S3bl430 發表於 2021-6-29 08:45
換另一角度諗，兆康出面屯公有63X直落旺角，又唔見每日有大量市民行去虎地搭車？交通需求和通勤方式從來 ...
由始至終我都係針對佢以站數來衡量值唔值得坐
點解多過 10 個站的鐵路就唔值得坐
但多過 10 個的巴士就冇呢個問題？
我用 20 個已經俾多佢
67X 入屯門由旺角站坐去富泰計頭尾都過 20 站添
68A 朗屏去青衣站 30 個站，坐鐵轉車 8 個站咋，乜一樣用其他理由話坐巴唔坐鐵
我從來都冇神化鐵路，反而只係有小部份巴迷將坐親鐵看成罪就真。
41/45呢挺兜到天荒地老嘅線, 紅土人都忍左幾十年, 今日起屯馬線土瓜灣站/何文田站去青葵都係轉一次車, 快至少廿分鐘, 連每班車得十個八個嘅全程客都走埋, 都係等摺算了, 再唔係縮去何文田繼續食廢老客/水魚客落MK算了;P
非常懷疑42九龍城侯王道一帶嘅客, 去美孚/荔景都唔洗轉車/喺南昌轉一次, 呢堆客都趕埋落地底, 對厹係災難性打擊
仲有，樓主要比較鐵路通車同巴士比較，就一定會出現部份情況坐鐵好過巴士的狀況，有人唔接受到就拉去話要人過番 R1 去所謂「捧」鐵路言論，咪叫做輸打羸要囉。
cky 發表於 2021-6-29 22:39
由始至終我都係針對佢以站數來衡量值唔值得坐
點解多過 10 個站的鐵路就唔值得坐
但多過 10 個的巴士就冇 ...
其實用番出發點去衡量搭巴士定鐵路都得啦，近地鐵站而巴士要兜既，咁咪搭地鐵囉，
反之咪巴士囉，大把屋村唔近地鐵站，要行要駁腳，搭番巴士都好正路，
搭巴士會塞車埋站等到天荒地老，你估搭地鐵會好啲？咪一樣，
唔通繁時搭地鐵會暢通無阻咩，啲車門咪不斷開閂開閂，
搭電梯企哂兩邊，出入閘中意拎個袋起勢黎捽部8達通機，哩啲都係時間黎架
Kingston_Kwan 發表於 2021-6-29 22:48
41/45呢挺兜到天荒地老嘅線, 紅土人都忍左幾十年, 今日起屯馬線土瓜灣站/何文田站去青葵都係轉一次車, 快至 ...
其實就…
紅土段客量一向都差㗎啦，尤其是條垃圾41，
何文田↔長深荔↔荔景山/青衣先係重點…
xdxd 發表於 2021-6-29 23:38
其實就…
紅土段客量一向都差㗎啦，尤其是條垃圾41，
何文田↔長深荔↔荔景山/青衣先係重點… ...
開條6X唔經愛民邨斬左條41; 45減車減到全日30, done :lol
psypericarp 發表於 2021-6-29 22:20
我覺得如果85/85A/85B仲係咁既客量，九公隨時大重組，3條得番1條，有部分地方用轉乘去解決，我唸到九公有 ...
絕對唔贊成，85最有潛力的是沙市。
本帖最後由 hadboy5 於 2021-6-30 00:26 編輯
cky 發表於 2021-6-29 22:39
由始至終我都係針對佢以站數來衡量值唔值得坐
點解多過 10 個站的鐵路就唔值得坐
但多過 10 個的巴士就冇 ...我從來無矮化鐵路喎，邊架方便我咪坐邊架囉…係閣下針對我的準則咋喎，68a接近無人搭返朗屏，去到藍地落左九成，去埋洪水橋已經清曬九龍客，接近無九龍坐佢入屏山添，即等於去長沙灣唔坐67X唔通坐西鐵
我鍾意用呢個標準係咪要你批准先，閣下憑乜野針對我先，選擇權係我度，憑乜野你覺得自己永遠是對的，我鍾意坐巴士唔鍾意鐵路得唔得先，67X十個站都會有一個可以飛下，唔三分鐘兩分鐘停一停先，就用返67X，五柳路必飛，華都花園必飛，官中至屯轉至少十分鐘先再停，鐵路，三分鐘就下一站兩分鐘又要停一停，只係停完開車或急煞都係令人煩惱，當然巴士都有塞車的時候會出現的問題，但唔會時速八十或五六十開完車再急煞都夠攞命啦…再加埋上上落落出入閘D人玩閘果D唔係時間，巴士塞車都係慢駛唔會急煞，樓上個位師兄講得啱，根本睇步行距離位置方唔方便去決定路線，根據你的理論，大西北去柴灣應該係全程鐵已唔係紅磡轉118，又或者青衣去洪水橋係咪東涌線轉西鐵再轉輕鐵而唔係坐一程過的68a先，我的本意係我會選擇方便又直接的路線，去觀塘我都可以好彈性，點解搭鐵路必定啱先，除左大流水線外，有幾多架車站與站距之間短得過鐵路所需要的時間，68A站與站之間至少五分鐘，長安去荃灣頭站更加要十分鐘，唔該你列舉一下站與站之間用時速八十公里行駛時只需要2分鐘的巴士線
麻煩你交代下針對的大道理
cky 發表於 2021-6-29 22:54
仲有，樓主要比較鐵路通車同巴士比較，就一定會出現部份情況坐鐵好過巴士的狀況，有人唔接受到就拉去話要人 ...
呢點我無異議喎，屯馬線方便左土瓜灣的人去尖咀係事實，令部份唔夠競爭力的路線客量差左係正常，正如土瓜灣去尖東站附近係，但閣下就我的準則就發狂針著曬，睇來係閣下接受唔到我的準則多過我接受唔到喎，我鍾意咁坐鐵路係咪要你批准先，75x同85系果D又慢又無效率又疏的路線受牽連我覺得正常喎，但閣下神化左鐵路係事實
hadboy5 發表於 2021-6-30 00:21
我從來無矮化鐵路喎，邊架方便我咪坐邊架囉…係閣下針對我的準則咋喎，68a接近無人搭返朗屏，去到藍地落左 ...
你拎得出呢個理論嚟講，唔係預咗會有人質疑咩？定係你覺得呢個係定律？唔可以質疑？做乜拋乜嘢批准唔批准？我又冇話唔俾你講，只係帶出以站數呢個前提嚟衡量係無意思的量化，多個十個鐵路站唔顯得比多個十個巴士站為差。
同樣你聲稱本人將鐵路神化論，亦只是你個人的臆測和強加，你要咁諗亦係閣下的事，我只我冇咁諗就行了。