柴XX議員狠批4X及30X重組安排

原帖由 053h4 於 2008-4-11 20:36 發表



當然, 如貝沙灣居民不反對www.hkitalk.net; x2 |4 n- [$ T' h4 \, j1 h8 g! S4 u
20:00以後廷長4由數碼港開是可行的

我都覺得呢個係好安排，甚至係全日延長至數碼港

30x + 4 基本上可以cover晒所有客，4x就專做華富

同埋研究30x加番華翠街外域多利道，甚至轉埋入華富(北)巴總外

成一百個reply，我都漸漸迷失左，
大家既出發點唔同，都唔會完全認同其他人既意見，
好似我本身自己返通宵，(我是住華富)，
早上往數碼港巴士提供了頻密的巴士服務，而出去返工也是在夜晚，
無左m49 ，是我利益攸關。所以我特別反對削減服務時間，因為我正是犧牲者。

可是眼見犧牲者不只是我一個，每天朝早除左我自己迫在970車上面，
望到原來m49既晨早客在西營盤死迫爛迫上970 ，
以及朝早中環方向成條薄扶林最迫的4x，同一時間乘客五隻手指數得哂的30x客量，
你就會好似我咁問一句，點解所謂既服務改善會攪成咁，
我知坐喺30x，俾$6.5車錢可以站站飛，又唔駛同人迫，又唔駛兜公屋村，感覺一定良好，
但是可唔可以有「民胞物與」既精神，大家都是為兩餐，都係獅子山下，
況且現在我地又不是去爭取甚麼甚麼新服務，只不過是要返三個星期前的巴士服務。

溫水煮蛙，年復一年復，新巴都要向華富同南區既路線開刀，
除左42同41a，都無咩邊條線新巴無諗過郁，BAN完又提，提完又提，
每一年RDP期待既唔係有咩新線，而係睇下新巴有咩新想頭，想點CUT線。

仲有一句，
如果柴議員睇到就最好，
當年M49同4既重組，講真可以算係柴生既政績，
大家對於當年無左$6.1既46X都還可以接受。

宜家如果柴先生唔能夠成功捍衛佢既政績，
將會令大家好失望。

原帖由 Maltesers 於 2008-4-12 09:35 AM 發表
成一百個reply，我都漸漸迷失左，
大家既出發點唔同，都唔會完全認同其他人既意見，
好似我本身自己返通宵，(我是住華富)，
早上往數碼港巴士提供了頻密的巴士服務，而出去返工也是在夜晚，
無左m49 ，是我利益攸關。所以我特別反對削 ...

數碼港住戶有穿梭巴士，不會坐巴士出中環，在數碼港坐得巴士的，都是打工的，而且都是比較低級的，高級職員大多自己駕駛或坐公司車。
我自己覺得，成車人去數碼港為何要迫入華富，對華富無著數。
晚上收工時間後返華富，明明都無人去數碼港，還要班班入數碼港嗎？
新巴似乎還未看清用家真正需要，優化服務變劣化。

原帖由 superay 於 2008-4-12 17:22 發表

新巴似乎還未看清用家真正需要，優化服務變劣化。

我認為新巴已經看清自己需要甚麼, 就係賺錢
對於搭開m49入數碼港的乘客, 佢地仍然係需要搭巴士(因為冇其他合理選擇), 不過只係改左做更貴的30x及970
又成功於平日晚上及假日減少派車數目
咁咪可以賺多d錢囉

「乘客需求改變」係一個迷思。

要破解，先睇下需求點改變左，
改變係漸漸地改，
最重要係，重組方案係根本性地改。
係唔係2004年至08三年間，數碼港早上同夜晚變成左，唔需要巴士服務﹖
又係唔係數碼港工作及居住的人，
因為繞經華富所需的五至十分鐘而拋棄 M49，
導致 M49客量不斷下跌﹖

事實上係M49幾年來都有加班，
最後的M49時間表一星期七日，
「無」一個時段係30分一班，
亦都唔係兩架巴士行哂，
個乘客既需求轉變係點，有目共睹。

而乘客需求，可以大膽講，因為有華貴同嘉隆苑，
抵消左華富人口老化既影響。

事實係，504既客、之後既4X，再之後既46X，
都在一次又一次既重組轉投小巴，
小巴已經不停加價，由六蚊大加到$7.5，比巴士貴足一半，
都仲有成條龍朝朝喺到排隊，
並不是小巴唔出車，
根本就係唔夠車載，
大家應該知道，該小巴商會貪心，
又要旺角客，又要載香港仔去中環，又要載中環去香港仔。
係做都做唔切，
呢種咁既需求，是新巴去配合，而唔係乘客去配合返轉頭。

另一樣不敢同意既係，西環呢方面，
已經有版友提到M47不是「客量偏低」
中巴時候，30-45分鐘一班既47同77就真係客量偏低，
但係城巴開47A，
將成條，西環尾去華富香港仔既紅色小巴線，(唔係而家果條)整到執左，
呢個就係實實在，巴士點樣配合乘客需求既兩個唔同結果。
到左新43x 20分鐘一班既時候，
先至係紅小綠小真正旺場之時。

你都話係小巴「搶」走左巴士，
即係根本西環去華富係有唔細既需求，如果唔係，小巴都唔會同你爭。

打個比喻，你俾人搶左女朋友，
你係消極地將你既其餘一切俾埋你既情敵，
定係努力追返你既女朋友呀﹖
新巴就係消極既前者，

唔通你仲唔明，新巴唔係以乘客量為公司目標，而係以慳為目標，
正是，「你不要需要乘客，乘客也不需要你」

[ 本帖最後由 Maltesers 於 2008-4-13 04:50 編輯 ]

其實唔駛講到咁複雜，新巴覺得做咗原來無肉食，就唔做，何必多言。

原帖由 Maltesers 於 2008-4-13 03:52 發表
唔通你仲唔明，新巴唔係以乘客量為公司目標，而係以慳為目標，正是，「你不要需要乘客，乘客也不需要你」

真, 好多人仲吾明, 好多人包括巴士迷, 新城未二合一前已經係咁, 但就算對營運有興趣之巴士迷, 到今天也看不到問題所在, 在服務不夠永遠說成 quota 加 TD, 但不會討論營運者之態度.

新城各立時, 周大福已用呢套 Concept 去營運新巴, 由內部資源運用以至前線服務中之營運車輛, 也全使用這套理論來營運, 這與城巴當時營運模式完全不同.

在二合一後, 這套只慳不理客量之營運模式發揚光大, 就算比得起錢用 $9.4 或 $10.6 過海, 該公司又比到 d 咩維修質素既專利巴士我們座?  比架吾會壞車無冷氣既歐二躉算係咁, 吾好理冷氣夠吾夠或個坐墊變質未.  有客都吾做既營運者, 心中只有盤數, 再點左騙右作故事來服務, 如此營運態度, 比無人無車永無準時之中巴更令人討厭.