公理何在?... 城巴所有港島路線冇得加!

原帖由 PB602 於 2008-5-21 00:42 發表
我唔明白點解板友會要求拉近城巴同埋新巴既收費標準, 而家城巴同新巴係屬同一集團, 拉近兩者既收費標準只會進一步削弱競爭. 但如果兩巴既收費標準拉闊的話, 兩巴相近路線可以有不同收費, 市民有權去選擇低收費路線,  ...

不太同意。有關的收費差距一向已經存在。兩巴收費差距擴大
代表在存在競爭的路線上，短期會出現兩個對乘客不利的情況：
1. 一些以前不著重收費差距的乘客，因差距擴大，放棄乘搭新巴。
雖然付出的平均車費可能少了，但選擇亦同時少了，變相需要付出
更多的候車時間。
2. 一些乘客或會繼續追求現有的服務及較短的候車時間，但其付出
的平均車資將因新巴加價而提高。
(仲有一種情況，就係早已放棄新巴，不過今次將會對其無正或負面影響)

另外，閣下的情況係建基於相近路線的競爭，例如 90 vs M590。
不過係其他新巴獨市的路線上，例如石澳及山頂路線，咁樣加就係
無呢樣好處。(亦即不同路線的需求彈性問題)

所以如果兩巴收費可以拉近，所有乘客可以享受到較公平的加幅，
亦變相增加了意欲去同時考慮選乘新巴及城巴。

原帖由 Choi 於 2008-5-20 22:26 發表
恐怕到時12/13，8x/19，27/529，90/590A，95B/97A等二選一會更加"踴躍"

到時誘因大o左,
合併的成功率亦會更高....
for example...

90 / 590A 的 $4.7 vs $6.5...
你中環 -> 海怡收 $5.3 o的區議員實比你重組

95B / 97A 的 $3.2 vs $2.5
仲有乜原因唔俾重組 !?

原帖由 PB602 於 2008-5-21 00:42 發表
我唔明白點解板友會要求拉近城巴同埋新巴既收費標準, 而家城巴同新巴係屬同一集團, 拉近兩者既收費標準只會進一步削弱競爭. 但如果兩巴既收費標準拉闊的話, 兩巴相近路線可以有不同收費, 市民有權去選擇低收費路線,  ...

兩巴而家根本無需要競爭
客量側埋一間公司，只會令另一間既車越載越多空氣
俾城巴爭贏又點，新創建整體仍然無著數
俾我係新創建，只會開少d 城巴開多d 新巴，
搏你等唔掂平車就上貴車


不過樓上有版友講得岩
新巴繼續加就方便左搞合併縮線
新巴繼續呢個惡性循環就可以慢慢陰乾...

[ 本帖最後由 asv2 於 2008-5-21 01:39 編輯 ]

如果係咁 42 收 6.9 我去銅鑼灣情願行番落去坐72 仲好,果5分鐘當做運動

睇完政府份文章,完全係外行人管內行人

城巴二部無錯8年間客量收入同時增長,但咁係咪代表成本
無因而上升?

政府今次做法只係鼓勵巴士公司假大空--做得好搵到客又
可以節省資源不獲支持,搵錢一般要加有得加

真係唔明政府思為,可加可減機制實行5年都無就已經淪為
"諮詢"工具,當日講得咁科學化咁有根據,都因為局方預測
客量增長抵銷成本上升而無得調整(記著係局方預測不是
巴士公司預測--政府點會知商業機構真正運作成本係幾多,
就算人口增長都未必巴士公司會受惠),百思不得其解

[ 本帖最後由 orange 於 2008-5-21 02:04 編輯 ]

原帖由 365。FS2231 於 2008-5-21 01:37 發表
如果係咁 42 收 6.9 我去銅鑼灣情願行番落去坐72 仲好,果5分鐘當做運動

72又密又平
42加埋價貴人兩蚊過外
睇下42點死 XD

同意樓上有位版友所講
巴士重組只會被變相加快進行 (特別係南區)

加都預左，希望五巴同員工分享返。反而想知新記批特快線會點：
720, 720A, M722 - $6.1->$6.5
780 - $6.2無得加
真係想知運吉點解會計左條咁「白痴」既加幅出黎…

[ 本帖最後由 Mahoumatic 於 2008-5-21 02:35 編輯 ]

原帖由 053h4 於 2008-5-20 21:41 發表


不過, 應該好快就到紅小加價...

頂盡最多都係 銅鑼灣 / 灣仔 ..18

紅小唔加都有可能 ...

原帖由 asv2 於 2008-5-21 01:36 發表
兩巴而家根本無需要競爭
客量側埋一間公司，只會令另一間既車越載越多空氣
俾城巴爭贏又點，新創建整體仍然無著數
俾我係新創建，只會開少d 城巴開多d 新巴，
搏你等唔掂平車就上貴車

不過樓上有版友講得岩
新巴繼續加就 ...

新創建經常提出客量欠佳既數據去支持重組或減班, 但如果乘客本身因為城巴收費較低而去選擇城巴的話, 咁數據上新創建就難以支持削減城巴路線班次.

即使強推路線重組/新城路線合拼都好, 由於本身有一個較低既城巴收費基準, 響區議員既壓力下(假設佢地都做好份內事), 新城路線合併最終只能收取較平一線既車費, 否則難獲區議員認同, 咁做會減少新創建去重組路線既誘因.

舉個例子, 假設(只係假設)新創建提出98同94A合拼, 響目前情況下最大機會係收番98個價(即$2.5). 但如果98可以加到$3而94A維持票價不變時, 兩線合併既結果就自然係加到$3.