arfung 發表於 2021-10-12 22:57
何文田要和觀塘線轉車客逼，但多搭一個站到土瓜灣又不能直接過對面月台，再搭到宋皇臺又遠一個站…
不過 ...
但係何文田有機會有人落車由屯馬轉去觀塘綫？
真係好廢... 完全同西鐵年代爭勁遠
向西勁多人 向東運空氣
RyanPun 發表於 2021-10-12 22:39
老實講，我自己就唔多同意呢種做法。我由東鐵跳槽到屯馬綫，完全明白嗰種感覺，東鐵早繁本來係有堆大埔特 ...
屯馬線跑一次來回成兩個鐘，邊可能全部車拉晒去跑全程，而且第一個月已經知西疏東密爆晒大鑊。
佢自己上面龍華線都識跑短棍，反而自己地頭又唔肯攪，唔好同我講兩頭都係出入市區主要鐵路，呢個理由講唔通，下繁東行真係無人插上唔到車，但西行就媽聲四起
本帖最後由 DIH 於 2021-10-13 14:13 編輯
我尋日大約16:30去到香港站，東涌綫係比平時下繁疏車，兩邊月台都係入站後等5分鐘以上才開出，完全頂閘。
去到南昌，往屯門方向轉乘人潮迫爆一條上行電梯，無人「行電梯」。我當時諗明知咁多人點解唔開埋閒置的一條電梯，而家見你地咁講應該係月台已爆煲。
到屯馬綫往烏溪沙月台，第一班車全滿，但一開走就第二班車入站，幾乎吉車清晒龍，我有位坐。
去到柯士甸見到對面往屯門超多人，平時冇呢個情況，停站列車當然係爆滿。尖東就更厲害，往屯門方向上唔到而一直積人，往烏溪沙方向都有幾乎同等客量排隊，打爆我班車。之後有部分紅磡落，最多人落係土瓜灣站。17:15左右去到鑽石山，就唔覺特別多人。
我都贊同以尋日情況，港鐵應該預留掛八號前一個鐘左右有吉車由尖東開出往屯門。不過出年東鐵過海段通車，人潮分佈又會有變。
rickywk 發表於 2021-10-13 11:25
屯馬線跑一次來回成兩個鐘，邊可能全部車拉晒去跑全程，而且第一個月已經知西疏東密爆晒大鑊。
佢自己上 ...
路線設計時係有預留位置供短途班次調頭/起載用。
起碼已知尖東西行、南昌西行、天水圍東行等各位置起載在不同時段係能夠發揮效用。
已經不談錦上路/大圍車廠出車時在那個站開始載客等技術性問題。
綜合大家觀察，昨日的混亂，似乎和以下各點有關：
1/班次缺彈性，大部份車由頭行到尾，導致西邊大爆東邊有空間，浪費了寶貴的車廂空間。
2/中途起載班次極少，開車時間不配合人潮/方向
3/所謂「加密」不夠顯著，尖東/南昌/美孚等月台多人到要間封，但四點幾西行打爆仍開6-7分一班，部份車因上落/關門等延誤到隨時8分以上。(但當時東行已做到2-4分一班)
DIH 發表於 2021-10-13 11:33
我尋日大約1630去到香港站，東涌綫係比平時下繁疏車，兩邊月台都係入站後等5分鐘以上才開出，完全頂閘。
...
師兄搭東行就應該舒服很多，若昨日四點幾的情況，東行做到2-4分一班，應能即班上到，部份站位上到車仲會有位坐。
尖東和美孚2站的西行率先爆鑊，前者多人放工密密入站每班車每門上得三兩個果隻，後者車疏「無人落係無得上」而轉線人潮不斷增加。
如果連南昌站都塞爆就骨牌式有問題…(起碼南昌西行會有客落車/轉線，仍有機會每班每門上幾個)
想請教一下當時你經過紅磡和何文田站的人潮和西行列車情況如何?
是否已爆滿有留後還是剛能疏導?
(印象中大約五點西行列車都勉強開始由6-7分變做到3-5分一班)
本帖最後由 DIH 於 2021-10-13 12:25 編輯
arfung 發表於 2021-10-13 11:56
師兄搭東行就應該舒服很多，若昨日四點幾的情況，東行做到2-4分一班，應能即班上到，部份站位上到車仲會 ...
我坐個位在尖東上客後就被遮擋視線，所以唔係好睇到對面的情況，隱約記得西行紅磡都係車滿留後，何文田冇特別留意，但感覺上我班車落客少過土瓜灣。
照計西行最多放工人潮上車係紅磡打後，何文田、黃埔冇乜商業大廈，亦沒有過海客轉乘，就算西行較疏，何文田站都應該上得晒。馬後炮地講，假如有人油麻地／旺角放工而要搭去大西北，回頭走去何文田係較明智的選擇。
剛醒起，尋日全民放工時觀塘好塞車，可能有唔少人搭觀塘綫到鑽石山轉屯馬綫，因而令屯馬綫未到紅磡已經爆滿。可能我去到鑽石山時呢批人已經走晒就唔多覺。
DIH 發表於 2021-10-13 11:33
我尋日大約1630去到香港站，東涌綫係比平時下繁疏車，兩邊月台都係入站後等5分鐘以上才開出，完全頂閘。
...
如果土瓜灣站最多人落..有可能係回頭車
啲人諗住過晒啲轉車站
平時土瓜灣站唔算多人
DIH 發表於 2021-10-13 12:06
我坐個位在尖東上客後就被遮擋視線，所以唔係好睇到對面的情況，隱約記得西行紅磡都係車滿留後，何文田冇 ...
4點個陣 九巴東九線258D/259D開得好疏 仲要連62X都未有
牛頭角開始已經唔係好上到車 好多人轉咗搭鐵
據聞960 961金鐘開始留後情況都嚴重 所以可能令到屯馬多咗好多人
講開，有一晚下繁運吉派人去南昌數車同睇人流，果日運作出奇地順暢;P;P