[多圖] 北海道悠長假期・鐵路篇

【姊妹篇：北海道悠長假期・巴士篇】

最近我去左一個為期15日既北海道自駕遊，途中都經過同住過唔少地方。雖然叫「自駕遊」，但係咁多日入面我都接觸左好多鐵路元素。喺搭車方面，我除左搭左頗多札幌地鐵、市電同函館市電之外，就只係搭左幾小段既JR。

適逢JR北海道推出「わがまちご当地入場券（我們的城鎮當地入場券）」，當然要支持下呢間辛苦經營既公司啦！呢套要去到唔同車站綠色窗口先有得買既紀念入場券每張賣170円，一次可以買幾多張都得（當然要避免影響窗口其他排隊既人），而無人站就要靠附近商鋪／旅客中心等等賣呢張紀念入場券。雖然話功用係當普通既入場券咁比你入場（閘），但係大家都知JR北海道好多站都係無人站，所以月台可以自出自入，根本無需入場券，可以話其實呢170円好「食水深」（不過少少錢如果可以幫到JR北海道就幫啦！ ）。有啲站既飛仲可以係該車站周邊商鋪當優惠券咁用，幫補下JR北海道收入之餘又可以帶動地方商鋪經濟 (?)，一石二鳥。我今次順路都會去有發售既站買，每次都買4張，收藏又得，當明信片咁送比人又得。

今次我有超過400張相，經過上次京阪神鐵道新見聞既經歷，今次我會慢慢發佈。


*有啲相經過後製調色


第一日去到新千歳機場已經係接近黃昏，所以就先住喺千歳站附近既酒店，咁就好自然會去千歳站睇下、影相。當時我仲未知有わがまちご当地入場券呢樣野賣，所以之後旅行尾聲我又去多千歳站一次

JR北海道成立初期第一款新型號既列車——721系。最近終於露出疲態，旅程第三日就收到佢出煙既消息

行快速エアポート (Airport)

鏽跡真係慘不忍睹


札幌啤酒配平假名站名直牌好常見，之後個個站都見到

暱稱為「ECO-POWER RED BEAR」既DF200柴油機關車拖住既貨物列車。佢通過既時候警笛聲真係嚇死人，之後對面月台又有一班，個陣佢就一路響一路通過，嘈到爆。

第二日就渣車去富良野，由於酒店未有得check-in，所以先去富田農場玩。

富良野附近有免費既車站停車場，後面就已經係路軌。我地係喺度轉搭觀光列車「富良野・美瑛ノロッコ号（富良野・美瑛Norokko／慢車號）」搭去農場。

行根室本線去東鹿越既キハ40形1700番台（受上年颱風影響，東鹿越至新得站間暫停服務，宜家仲未有恢復跡象）

11:07到富良野站既特急「フラノラベンダーエクスプレス（Furano Lavender Express）」3號落曬客、入留置綫既時候，就係影呢架キハ183系5200番台ノースレインボーエクスプレス（North Rainbow Express）側面相既絕佳角度





車站條橋叫ポッポブリッジ（Poppo Bridge），設計得幾靚

富良野 [fu][ra][no]呢個地名黎自愛奴語 [fura-nui]，意思係臭既地方，源於附近十勝岳火山氣體同溫泉既硫磺味，同宜家諗起富良野就係薰衣草既印象唔同

富良野站既資訊版都不忘詳細介紹JR北海道既列車，可見日本鐵路公司推廣鐵路知識比大眾既手法幾咁簡單 。（可以放大原圖黎睇）其中講キハ40形嗰度好詳細，仲叫大家比較兩種番台既差別，同埋加左一句「見到朱色既キハ40形會有好運」

擺喺度，好殘既キハ40形1700番台


呢架第二代塗裝既キハ183系旭山動物園号應該今年內就退役了，呢架行完特急「フラノラベンダーエクスプレス」1號之後就停喺留置綫可以任影。

1號車叫草原のサバンナ号（草原之Savanna／稀樹號）



2號車叫熱帯のジャングル号（熱帶之Jungle／叢林號）

同樣停喺富良野站留置綫既當然仲有頭先入去既キハ183系5200番台ノースレインボーエクスプレス啦！

之後旅程尾聲去到札幌個陣我再特登去搵多佢一次

キハ150形0番台，旭川運轉所就用薰衣草既淺紫色帶

站務員好有心機整小花圃，營造「富良野=花」既形象


搭「富良野・美瑛ノロッコ号」。未入閘之前好多遊客排綠色窗口換唔知咩pass，原本以為要跟住排先可以買飛上呢架車，不過我地好簡單咁喺自動售票機買230円既飛，再早去月台排隊搭自由席就已經OK。

由4號車オクハテ510-2呢邊有駕駛台既車卡入站（50系客車）

由塗裝非常之靚既DE15形牽引4卡客車

同「ノロッコ号」呢個名相襯既烏龜圖案（ノロッコ=ノロノロ，緩慢 + トロッコ，礦車／輕便車卡／小火車）

3號車ナハ29002呢卡バーベキューカー（Barbecue Car）係來自釧路運輸車輛所，JR北海道剩返呢卡ナハ29000形客車

有小廚房，搞成吉思汗烤肉既時候4人對座位檯面會放電熱板

改造自有蓋貨卡ワキ10000形

日文2 [ni] 9 [ku]就同「肉」字同音，所以編號就無跟國鐵年代既規則

1號車オハテフ510-51呢卡有個火爐，同行「くしろ湿原ノロッコ号（釧路濕原Norokko／慢車號）」既車卡設計一樣

望番キハ183系旭山動物園號另一邊車頭——5號車極寒の銀世界号

經過中富良野

唔算太慢，沿途景色可能因為到左收成期，所以有少少失色

乘車證明書

呢架DE15形真係非常美麗





搭到去呢個用木板同金屬柱搭成既臨時車站——ラベンダー畑駅（薰衣草田站）

危險動作切勿模仿



站牌好靚

候車室非常簡陋

富田農場秋之彩之畑附近既商店展望台可以眺望列車


薰衣草田站除左ノロッコ号之外其他普通車都唔停，所以走個陣以為行去中富良野站會多啲班次。點知行緊去既途中班車已經喺旁邊駛過，行到去個站班車當然走左啦，下一班已經喺ノロッコ号，喊出黎 ，姐係白行左1.7公里。喺嗰度就買左旅程第一張當地入場卷，買完之後好彩遇到的士，直接返富良野站。

月台都唔鋪下

第三日朝早去完旭山動物園之後中午就到旭川站附近食飯，當然亦會繼續去蒐集當地入場券同入站影下車。

2011年新車站大樓全面開幕之後旭川站真係變得好靚

彫刻家安田侃既作品「天秘」



宜家特急「旭山動物園号」轉左用789系0番台黎行，變成特急「ライラック（Lilac，紫丁香）旭山動物園号」

789系0番台原本係用黎行青函隧道連接本州既特急「スーパー白鳥（超級白鳥）」，當然北海道新幹線開業之後就撤退到道央圏，今年3月就開始行特急「ライラック」

六列都有唔同圖案宣傳當地名勝，呢列主題係空知地區

789系1000番台，除左行去室蘭既特急「すずらん（鈴蘭）」之外就係行黎旭川既「カムイ（神威）」

721系

キハ150形0番台

target係遊客既貼紙，圖文並茂

凳邊扶手設計幾特別

キハ40形700番台


キハ54形，呢架行特別快速きたみ（北見）


貼住宗谷北線運輸營業所所屬車輛貼紙

月台poster好可愛

使用大量木材既車站設計

美瑛既「青池」，真係好「青」，但係唔「清」

美瑛風景



富良野酒店後面既滑雪場登山吊椅

第四日去阿寒湖温泉途中黎到足寄既一個休息站，嗰度以前係國鐵池北線→北海道ちほく高原鉄道（北海道池北高原鐵道）既足寄站，北海道ちほく高原鉄道ふるさと銀河線（故鄉銀河線）喺2006年廢綫。

銀河鉄道999塗裝既CR75形


放喺駕駛台比運轉士睇既乘務行路表

車票日期打印機，記念乘車證、貼紙等等



保留左車站建築


「国鉄」塊牌好似格硬加上去咁