屯門-紅磡全月通經尖沙咀/尖東站乘車發現有bug, 收多咗錢

timewater 發表於 2022-10-17 08:32
正常路程去尖沙咀去堅城，係尖沙咀最快
其實我願意俾$12.5，只係唔願意俾超過收費表嘅$13.6
...

總之收費系統 rule no.1 就係寫明30分鐘內尖東/尖沙咀出閘加入閘就當係轉乘，除非你張咭中間有十次交易洗走乘車記錄，否則只睇出發到終點去計車費多退少補。你真係要咁，唯有靠NFC手機八達通銀包增值/轉出10次去八達通銀包或者進行其他交易去洗走咭內存最近搭車記錄令系統當獨立車程計算，咁第二程就可以當75折紅磡-堅尼地城$10.1。

唔知如果再次 大學→堅城，但係尖東出一出閘，之後出閘後第2分鐘（1分鐘內不可同一張八達通再次入閘）至30分鐘起尖東入閘，經南昌/紅磡去堅城，咁會唔會兩程車會變左有全月通優惠（免費西鐵線加接駁車程75折）？

大學→尖東 5.7（接駁車程75折）
尖東→堅城 10.6（以紅磡計算75折）/11.2（以南昌計算75折）（利申冇月票冇得試）
兩程合共：16.3/16.9 （原價非月票 19.8）

全部未計97折回贈

HB1972 發表於 2022-10-17 09:29
唔知如果再次 大學→堅城，但係尖東出一出閘，之後出閘後第2分鐘（1分鐘內不可同一張八達通再次入閘）至30 ...

會計，因為同站入返閘就可以無咗尖東/尖沙咀轉乘問題，所以總收費係$5.4+$10.1，平過直搭

其實由一般乘客嘅角度嚟睇，呢個絕對係一個bug
一般人絕對有權，亦都可以有需要，要短暫係尖沙咀區逗留，可能係為咗交文件、買少少嘢、兌換外幣等等，只不過票務系統夾硬將兩程當一程嚟收。當然，一般乘客可能被人收貴咗都未必發現得到

呢個情況有啲似九巴嘅轉乘，例如73K轉279X或者296A轉258D/259D係有$4.2轉乘，但最高連續轉乘只係"1"，一般人可能都唔太在意$4.2轉乘，但卻會令乘客失去咗大欖/屯轉轉乘
雖然可以搬返哂啲條款出嚟，將責任推哂畀乘客，但唔通此等情況嘅存在，唔算係一個bug咩?

Ohm 發表於 2022-10-17 09:55
其實由一般乘客嘅角度嚟睇，呢個絕對係一個bug
一般人絕對有權，亦都可以有需要，要短暫係尖沙咀區逗留，可 ...

曾經隔離板有個帖問大家：列舉2程車（轉乘1次）ge車費平過1程車。咁會唔會又話九巴個轉乘有bug？

HB1972 發表於 2022-10-17 10:09
曾經隔離板有個帖問大家：列舉2程車（轉乘1次）ge車費平過1程車。咁會唔會又話九巴個轉乘有bug？
...

我上述提出嘅例子係以一個普通乘客，無刻意去考慮轉乘優惠嘅角度去諗
一般人唔會諗到原來去一去尖沙咀辦事，第二程車會被收貴咗
一般人唔會諗到原來第一程車搭咗九巴駁腳，之後喺轉車站會蝕大本
或者更加貼切嘅形容應該係"陷阱"

Ohm 發表於 2022-10-17 10:30
我上述提出嘅例子係以一個普通乘客，無刻意去考慮轉乘優惠嘅角度去諗
一般人唔會諗到原來去一去尖沙咀辦 ...

正常一段車程斷開兩程係比一程過貴
只係貴幾多嘅問題
尖沙咀/尖東呢啲經過買下野本身都係偷雞

其實無得講

30分鐘內食完飯入返閘唔得？得問題係我因為腳痛行得慢行30分鐘？又得
咁你兩程平過一程計兩程咪得囉
我買月票之後我係咪可以嘈一程車貴過轉車，懲罰我要轉多次？

Ricky403 發表於 2022-10-17 12:31
正常一段車程斷開兩程係比一程過貴
只係貴幾多嘅問題
尖沙咀/尖東呢啲經過買下野本身都係偷雞 ...

你話"偷雞"即係已經假定咗人地係打算一程車
而我就係想大家嘗試代入從普通人嘅角度去睇，係咪唔可以由尖東站出閘，然後去例如交文件、攞護照、唱外幣等等，之後再開始另一個行程過海? 做咗就要被交通迷扣以"嘗試呃優惠"嘅帽子?

另外，兩程比一程貴係合理，但而家個情況係第二程比起正常嘅第二程仲更加貴

1181174166 發表於 2022-10-17 13:06
其實無得講

30分鐘內食完飯入返閘唔得？得問題係我因為腳痛行得慢行30分鐘？又得

一程車入站同出站都唔係月票範圍, 貴過轉車都合理, 因為我可以喺中間月票車站轉車, 嘗試享用月票優惠, 呢個係個人選擇。

但今次我喺大學站去尖東, 去做D 嘢。做完嘢喺尖沙咀去過海，完成係合常理同直接既行程, 中間無任涉及何迂迴行程。
如果咁都當一程收費既話，請問現有機制點可以俾到普通月票乘客避免額外車費?　用多張八達通、QR Code , 等超過30分鐘都唔係合常理既方法。

反而輕鐵，理論上一離開車站就已經當車程完結。重新進入車站就要嘟。(不過無人會理)