外國經驗對香港巴士網絡有無參考價值？

S3BL100 發表於 2023-4-28 22:16
其實有時候人口密度唔一定要高，只要個個揸車，都足夠整死交通
我果個小城巿，city area 係香港四分之一， ...

視乎人口密度同道路既比例
美國鄉郊地方又真係無理由用公共交通
但去到城市唔起public transport就同玩自己無分別

當然，用返香港對"高"同"低"既定義
人口密度確實唔需要好高，都足以塞死
西貢鄉郊只係三四個選區，但朝早新清可以倒塞到井欄樹

講返香港情況，除左因為決策者向自己同有錢人利益傾斜、不理民間疾苦外，我相信另一個原因係香港公共交通使用率已經位踞全球榜首，有人會天真以為私家車已經無乜減少空間，甚至多幾架私家車都無傷大雅，況且又真係有部分巿區道路，巴士比私家車仲要多。當然實情係，多幾架車對路面交通既負面影響，係可以幾何級數上升

呢句好真

香港近九成人搭公共交通返放工，確實係全球之冠
甚至連帶香港transport related CO2 emissions，都長居全球最低既行列
咁少電動車混能都有此成績，某程度上都幾誇張

但掉返轉頭，出現呢個狀況係因為香港市區密度同樣係全球之冠
人均道路長度，我估一樣會接近全球最低
就算近九成人搭公共交通，其實已經好接近道路承受能力既臨界點
最大鑊既係，近十年香港擁車比例係節節上升
既然香港無辦法減低市區密度，呢個trend一定要reverse，否則會出事
特別注意到條路唔止巴士用，塞車仲會大幅提高營商成本，始終所有supplies都要靠貨車載
極高既運輸成本，其實已經edge out咗一啲其他國家盛行既business model（e.g. one day rush）
其實個問題係不得不處理

s3n370 發表於 2023-4-28 21:57
好難要求人人都有大局觀，
人人有大局觀去到極端，甚至可以得出唔理少數人嘅需要。

選民為自己利益投票，係天經地義
但一個及格既政治人，唔應該單純民粹做populist
如果單純係為咗選票然後無視一切學術研究同證據，結果係點阿根廷有版你睇

我又唔認為美國套制度無調整能力
歷史上交通制度都有相當大既變動，宜家都有唔少城市開始reverse返呢套盲目鼓吹揸車既政策
只係種種原因做得慢過歐亞咁解

就算擁車政策門檻點高都好，總會有VIP, VVVIP, 行動不便人士，偏遠地區人士要用。

問題係宜家政府套政策，根本無分清楚 必要 同 不必要
我都好理解有人係逼住揸車，但你無理由因為有人逼住揸車，就唔去調整擁車門檻

最簡單，英國blue badge holder好大權，而且條件相對寬鬆
關節炎都可以攞blue badge
確保真係有需要既人，不受限制

同樣地，偏遠地區人士係有必要改善下park and ride個配套
宜家指定港鐵站有得玩，但如果要整congestion charge，個規模就要大好多
同最好涵蓋多啲唔同既交通模式，again唔係個個都鍾意搭地鐵

從整體公共交通嘅角度出發，鐵路運量一定要再多D， 巴士先至可以將瓹窿瓹罅嘅角色發揮得更好。

其實我覺得鐵路巴士絕對可以各有各玩
當然油塘去調景嶺呢啲，鐵路有絕對優勢，就當然俾鐵路做
但睇返巴士客量分佈，其實同鐵路差唔多時間既巴士線，通常都有約4-5成市佔率
45既故事話俾你聽，你鍾意搭鐵唔代表個個都鍾意搭鐵
你要提高整體公共交通網絡既吸引力，其實喺可行既環境下俾多啲選擇唔係壞事

反而值得思考既係，鐵路應該行邊種營運模式
倫敦地鐵就算使用率好低都會起車站，但問題係鐵路經營成本高，就掉轉頭搞到票價都好誇張

sunhoo 發表於 2023-4-28 14:13
我地抱怨香港巴士如何唔夠priority嘅時候，世界上仲有好多衰過香港嘅地方，果邊嘅人羨慕緊香港呢。https:// ...

香港因為人口密度高同suburb少
天生已經好適合發展公共交通網絡
Public transport operation可以自負盈虧，已經好難得
但多優點唔代表無缺點，而近十年香港套公共交通政策其實係越搞越衰
當然衰極都好過好多城市，但咁唔代表可以放任爛落去

你講到巴士專線又援引深圳既例子，我覺得呢啲嘢好case by case
香港絕對應該睇下其他城市點做，擴闊想像，brainstorm下其他模式
但到真係落實既時候，一定要切合返本地需求

深圳高速公路免費之後行高速嘅巴士線路成為受害者，我地點樣避免咁嘅事情發生在西隧？我地知道，現時西隧路網樽頸係過海後東行只有兩線，落地下同上天橋分別只有一條線。有無切實可行嘅方案來保障巴士行車時間？如果就咁將往上環出口劃為巴士專線，會多左私家車用民寶街出口，行緊呢度 嘅巴士線路都唔少。

三隧分流唔同時間唔同價格，其實係一個好開始
至少繁時可以盡量維持西隧暢通，但非繁有capacity既時候大家唔使死塞紅隧
但我絕對同意，應該搵方法整巴士專線去避免巴士受影響
我會建議繁時西九龍公路慢線同西隧慢線，雙雙改做巴士專線
就算上環繼續樽頸，客觀效果係巴士可以飛到樽頸位插隊入去

而香港有樣嘢好差，就係班官員潔癖，覺得公路有出入口就唔畫得巴士專線
英國啲巴士專線係可以橫跨公路出入口，而唔影響其他車輛離開/進入公路
變咗好多香港唔會畫巴士專線既地方，佢地都畫到
不妨參考下佢地點做

castanopsis 發表於 2023-4-29 03:40
咁你有乜嘢alternative？
宜家泊車難，確實discourage咗好多人揸車入市中心
如果你增加泊位，只會搞到條 ...

假日新城市班友就係排到傻都要揸入去
有班同幾日前搶$30戲飛一樣
為左Free Parking兩粒鐘慢慢排
另一班就揸車係生活
附近既場都無位就慢慢排
等緊既時間都enjoy聽下歌有自己空間
唔想等既有班直頭俾錢泊街了事

除非你話揸車會從而咩咩咩
如果唔係好難阻到有少少錢既香港人揸車
隔離城套Quota制似係香港要既野
不過背後仲有幾多野要考慮就不得而知

Snoopy@FB8617 發表於 2023-4-29 14:18
假日新城市班友就係排到傻都要揸入去
有班同幾日前搶$30戲飛一樣
為左Free Parking兩粒鐘慢慢排

撇除政治，香港進入美麗新世界差唔多連底褲都要管
咩congestion charge/bus lane/塞車/私家車quota等問題遲早都會有動作搞，正如三隧分流都鹹魚翻生
就算一開始啲細節差到不得了，但而家任你改改到啱為止都得
香港要「復常」，無論經濟上定政治上，呢啲劏商家埋單嘅自然好快落鑊

S3BL100 發表於 2023-4-29 07:08
又咁講，香港之所以有呢個問題，好大程度係因為發展過程，令到好幾個繁忙地區都出現一條明顯比周圍更旺既 ...

香港港九玩近岸線型發展，好自然得一條中軸
外國城市平原井字型發展，幾條（甚至十幾以上）主軸相交，就算中間部份都會因為來往各主軸而旺起嚟

同意分流非中軸未必係好方法
上文都有提及反而應該考慮比privilege （congestion charge/bus lane等）巴士盡量行曬中軸，減少巴士行就近平行但冇privilege嘅馬路，將privilege嘅效益最大化

castanopsis 發表於 2023-4-29 02:36
選民為自己利益投票，係天經地義
但一個及格既政治人，唔應該單純民粹做populist
如果單純係為咗選票然後 ...

1. 我正正就係講緊應該從制度上，防止你所講民粹主義影響整個社會嘅情況出現。

2. 至於你講嘅blue badge，資格上可能英、港之間有別。
但權利上分別根本唔大，都係停車、泊車、牌照費、路費上面。
响道路行駛，兩地都係當一般私家車處理。
唯一嘅分別，外地有條件响繁忙地區，擺D專俾blue bedge嘅街邊泊位。
香港繁忙地區連街邊上落客嘅限制都嚴格好多，
唔見得有條件响繁忙地區擺殘疾人士嘅街邊車位。

3. 唔反對P&R提供更多選擇。
不過英、港嘅分別係英國P&R係政府主導，
香港則是個別交通機構營辦商主導。
話雖如此，鐵、巴合作比比皆是，巴士公司想參與，
未必會被拒諸門外。
中區電子道路收費要整配合嘅P&R，都幾大機會係搵巴士做接駁。
而一個殘酷嘅現實係，就算好似其他地區廣設巴士專線，
時間同可靠性上，鐵嘅贏面仍然高過巴士。

4. 如果單單只係講巴士，我唔反對偏重對巴士嘅喜好。
一旦要講遠D，涉及較大範圍嘅交通運輸，
就點都要睇埋其他已有嘅交通工具，以及需要行先。
之後先至顧及大眾唔同嘅喜好。

5. 你講嘅45例子，保留45除佐實際需要，亦已經响可行嘅情況下顧佐喜好。
就算從喜好呢點，從重組前嘅客量、新鐵路通車後乘客嘅選擇、
甚至有板友提過嘅地區居民群組平靜嘅反應睇黎，公眾對個別交通工具嘅喜惡唔明顯。
你嘅喜好論响呢度嘅討論，理據係極之薄弱。

castanopsis 發表於 2023-4-29 03:03
香港因為人口密度高同suburb少
天生已經好適合發展公共交通網絡
Public transport operation可以自負盈虧 ...

西隧分流原則上係要做，但從D細節睇黎，
似乎係想齊齊將塞車分流，而唔係想舒緩擠塞。
繁忙時間都塞緊，私家車收費不加反減。
貨車更加係睇齊。

至於巴士線，
香港同英國嘅邏輯同實際執行一樣，
如果必需穿越巴士線出入支路路口，甚至路邊停車位，都係容許嘅。
屯門公路嘅巴士專線線咪跨越路口囉。
英國亦都有例子，條巴士專線係响路口斷開。
反而同一個位嘅單車線就唔斷開
（估計原因係巴士線有埋執法嘅考量，
但同車路共用單車線通常都無）

連貫同斷開其實各有優劣，連貫俾駕駛者睇到條巴士線嘅continuity。
不過就成日見偷雞行多段巴士線，先至返出去嘅情況。

斷開嘅巴士線，就可以俾其他車輛，甚至係巴士司機自己，
從劃線清晰知道有路口响度。
响彌敦道等主要道路近乎車鏈嘅巴士龍，斷開嘅巴士線嘅好處就極明顯。

甚至從路牌同畫線，都可以睇到新野係外地行先，
香港跟得黎高效同細緻好多。

ccchhhuuunnn 發表於 2023-4-29 16:17
撇除政治，香港進入美麗新世界差唔多連底褲都要管
咩congestion charge/bus lane/塞車/私家車quota等問題 ...

前題係人地覺得件事係重中之重需要解決

當然如果私家車quota/Congestion Charge大有錢途的話
可能優先處理搵返筆都符合新常態

坦白講，倫敦地鐵嘅 Deep tube 一抽車載客量得香港地鐵嘅一半， sub surface line 又N線共用軌道，結果係星期日朝早啲共軌路段都開到2分鐘一班載空氣，道路交通方面，一條市內高速都無，啲A路又塞到同鐵競爭唔到，咪搞到地鐵天價之餘都繁忙時間載唔晒。