[認真討論mode]其實九巴可唔可以做八達通雙向分段收費呢?

技術可行,但營運上可行嗎?
香港有這種技術的公司,只得哪些路線有這種收費制度?

都不談如何降低某些路線的效率和吸引力
就現在專利巴士有可加可減機制,
增設此等收費,實會減少收入,就當開支不變
相信只會加速加價出現
最終結果是短減長加!

原帖由 hjhj 於 2012-6-25 01:58 發表
技術可行,但營運上可行嗎?
香港有這種技術的公司,只得哪些路線有這種收費制度?

都不談如何降低某些路線的效率和吸引力
就現在專利巴士有可加可減機制,
增設此等收費,實會減少收入,就當開支不變
相信只會加速加價出 ...

你呢個係假設所有線都裝
但如果是部分有剩餘載客力的路線，加入雙向分段，反而令巴士公司可以響唔增加車隊資源下做到變相加班效果
市民車又密左，巴士公司又唔洗加乜野資源，兩家便宜兩加著

好多野，你唔試過唔知有無效果的

如果雙向分段係香港實行到既話 即係話香港巴士服務已經轉營
所有路線變哂流水線, 亦即係話唔會再有公路快線既存在
到時由尖沙咀去上水, 就唔會再係270A而係70
尖咀去屯門就會由260X變成另一條由經旺角美孚荃灣先入屯門既新線
同一時間果D線平排行既6, 81,234X呢D線一定會消失
所以唔好諗得咁完美, 你諗住將特快變做流水,
即係流水既存在價值無哂可以取消, 以後特快就迫哂去鐵路,
流水就轉坐呢D大上大落既超長流水, 咁樣攪完坐車既選擇一定仲少左
鐵路變成主導, 長途既佢會主張你用鐵路
巴士就做一個接駁角色, 由鐵路轉去一D無鐵路既地方
但認真咁諗, 如果巴士黎左一個咁大既轉營,
即係大部分收入去哂鐵路, 咁香港仲有邊個願意經營巴士公司呢
除非做到好似星加坡咁, 鐵路同巴士都係同一集團做哂
不過可見既係咁樣既交通網比起香港真係爭好遠
起碼現時我地唔想坐鐵路, 都仲有巴士呢個第2選擇
所以呢個雙向分段行到既話, 市民一定有代價
就係要犧牲現有比較完善同有選擇性既交通網絡

不過又咁講, 而家隨住一條又一條既鐵路落成
而家3間巴士公司仲頂唔頂得住都係一個未知數
如果他日真係由政府做番哂呢D巴士既話,
透過重組過既巴士線, 先有機會做到雙向分段
私營機構一定唔會同你做, 因為咁樣完全係推自己去死

講中要害！

呢個其實可能唔係做唔做嘅問題，係政府俾唔俾嘅問題。依家地鐵沿線短程已經出現平過巴士嘅現象。

原帖由 GF2158 於 2012-6-25 04:04 發表
如果雙向分段係香港實行到既話 即係話香港巴士服務已經轉營
所有路線變哂流水線, 亦即係話唔會再有公路快線既存在
到時由尖沙咀去上水, 就唔會再係270A而係70
尖咀去屯門就會由260X變成另一條由經旺角美孚荃灣先入屯 ...

其實都係那一句, 點解要假設一實行所有路線都一定要設雙向分段,
所有路線都變哂流水線?

其實好多野唔係非黑即白, 亦唔係所有野一實行就一定全面推行吧....

好似我之前文章講, 其實實行時都可以將路線分成2類, 公路快線,
同流水線, 甚至不同日子/時段可以有不同安排..去應付唔同需要..

如果一黎只假設所有路線實行, 從而反對有關雙向分段, 我自己覺得
好奇怪....最少, 現在城巴都只是部分線設雙向分段...

好似如果現時 乘客尖沙咀出旺角,
2 收$4.4, 6收$4.6, 1 收 $5.2, 1A 收$6.5, 而MTR 就$4.9 (8仔)

2, 6, 1, 1A 現時都係巴士流水線, 就咁出旺角, 價錢上只是2/6號線巴士比MTR
有優勢, 如果我坐巴士, 睇價錢的話, 我只會選擇2號.....最平, 2號將10分鐘一班,
假設不受交通情況等影響, 巴士都唔係好吸引...

但如果呢D 本身都站站停的流水線行雙向分段, 2, 6, 1, 1A, 都收$.4.4去旺角, 我
變相巴士選擇多左4倍, 就算計價錢, 所有路線都比MTR 有優勢, 計班次, 對於我,
一定多左, 因為4條線都可以上, 計車站, 不同線巴士站不同位置, 我更易去最就近
車站等車...或因應下車位置去更易選擇

本身雙向分段唔係只將巴士變成鐵路接駁, 相反是不加資源下, 加強巴士對鐵路的
競爭力....無理由你話巴士多左人坐, 巴士公司都不滿吧....

[ 本帖最後由 3ASV196 於 2012-6-25 09:58 編輯 ]

原帖由 novkovsky 於 2012-6-25 01:04 發表
你的說法都好矛盾，一方面又話客量因此加左，之後又話空載率增加…
客量多左即係要加車先載得晒啦…

無矛盾
例如53為例，有段時間黃金海岸入屯門，係會頂閘有人上唔到車
加左八達通雙向分段，你多人搭左，就要加車、加班
如果加班只係為應付某小路段既客量需求
咁係其他大部分路段每架車既平均空載率就會增加

又以51為例，如果荃灣去川龍/郊野公園有分段
本身假日既班次有可能需要大幅加班
到左郊野公園原本仲有十幾個客繼續坐，加車後可能得番幾個客坐
咁郊野公園去錦田既空載率就會增加

多收既收入會唔會cover到加車既成本? 唔知，但最起碼加班要請多(幾)個司機先啦

[ 本帖最後由 GL3789 於 2012-6-25 09:58 編輯 ]

原帖由 GL3789 於 2012-6-25 09:46 發表


無矛盾
例如53為例，有段時間黃金海岸入屯門，係會頂閘有人上唔到車
加左八達通雙向分段，你多人搭左，就要加車、加班
如果加班只係為應付某小路段既客量需求
咁係其他大部分路段每架車既平均空載率就會增加

又以51為例，如 ...

其實你搵53/51呢D本身巴士服務為主的地區去做例子, 可能
巴士做分段優勢的確少D...

我自己就建議巴士公司可以選擇做分段有優勢的路線去
做先...

原帖由 GL3789 於 2012-6-25 09:46 發表


無矛盾
例如53為例，有段時間黃金海岸入屯門，係會頂閘有人上唔到車
加左八達通雙向分段，你多人搭左，就要加車、加班
如果加班只係為應付某小路段既客量需求
咁係其他大部分路段每架車既平均空載率就會增加

又以51為例，如 ...

如果53加設八達通雙向分段, 取代現存現金雙向分段,
收費結構一樣嘅話, 何以見得53會多咗人搭呢?

原帖由 安東尼 於 2012-6-25 10:07 發表

如果53加設八達通雙向分段, 取代現存現金雙向分段,
收費結構一樣嘅話, 何以見得53會多咗人搭呢?

咁有人唔帶碎銀出街架嘛
用八達通方便左，自然多人搭

順帶講下
76K朗屏去上水，唔知有幾多人會俾現金?
如果有八達通雙向分段收費，情況又會如何呢?

我唔敢想像呢批客會為九巴帶來幾大損失

[ 本帖最後由 GL3789 於 2012-6-25 11:22 編輯 ]

其實可以每個巴士站整個八仔機 用黎退車資
要用優惠的話上車前嘟一下巴士站的八仔機記錄上車位置, 再上車用八仔比錢記錄路線
落車再嘟一下巴士站八仔機退錢
要退錢就要乘搭指定路線同指定上落車站
不過會好大工程

[ 本帖最後由 samuelho668 於 2012-6-25 19:18 編輯 ]