本帖最後由 HZ8186 於 2023-5-1 15:10 編輯
--- Prelude ---
話說 2018 年年頭，小弟同朋友曾經有過一個咁既對話 “Hey S - 你呢個復活節有無野做?” “無呀” “有無興趣去外島睇馬車？” “係咪個國旗有三隻腳個個島” “中 - 話說紐加素有直飛” “可以呀” “好啦 咁我買機票啦”
--- Flight Info ---
BE7671 (T3671) NCL-BHD-IOM BAe Jetstream 41 G-MAJD Operated by Eastern Airways for flyBE
NCL STD 0945 ATD 1037 (BST) BHD STA 1050 ATA 1119 BHD STD 1120 ATD 1156 IOM STA 1145 ATA 1216
--- Background ---
同朋友夾好行程後，小弟就分別向 flyBE 買下兩張 Newcastle 經 Belfast 前往 Isle of Man Ronaldsway 既機票，以及向 British Airways 買下兩張 Isle of Man Ronaldsway 前往 London City 既機票。
特別既係雖然機票係從 BE & BA 購買，不過兩程航班皆會由一間位於英格蘭北部既 Commuter Airline - Eastern Airways 營運，前者會用一部 Jetstream 41 執飛，而後者則會用 Saab 2000 營運航線。(相信香港人唔會對 Jetstream 41 呢個名感到陌生啦 - HKGFS 係曾經有兩部 JS41 以執行 Search and Rescue 既任務) 就由小弟黎體驗下呢間 Commuter Airline 既搭乘體驗啦 ~~
--- The Jetstream ---
小弟當天早上乘 Uber 前往紐加素機場 - 用一個中型機場既標準而論, 呢度既設施係幾充足既。 況且機場係有 Tyne and Wear Metro 連接, 其實呢個機場係幾方便實用既。 flybe 係採用一個自助式預辦登機制 - 係一部機印出登機證後, 部機會同時列印埋行李標記, 把標記貼好後, 把行李攞到 Baggage Drop-off Point 便可。 通過安全檢查後，乘客係登機閘口確認左手提行李重量後便乘搭接駁巴士前往 Outer Bay。
係呢度解釋翻少少嘢先 - 雖然今次小弟係買 flybe 既機票, 航班篇號亦係 BE 起首, 不過呢班航班幾乎係 100% 由 Eastern Airways (T3) 營運。 事源 Eastern Airways 一段時間前同 Flybe 簽左合作協議, 並同意把版圖合併, 以鞏固 flybe 係蘇格蘭既地位 (flybe 同 Loganair 既合作剛剛完結, 同時 Loganair 則同 British Airways 簽左 Codeshare)。 因此, 所有 T3 既航班都會掛上 BE 既航班代號，而 Eastern Airways 原有既網上購票系統亦會將顧客指往 flybe 既購票系統。
由於 Jetstream 41 既機艙係沒有 Overhead Bins, 因此地勤係要求各乘客上機前把中型及大型既手提行李寄艙。 艙門旁係有一部手推車供乘客放低行李, 而地勤人員會代為裝卸 - 寄艙行李係放係機尾既空間, 而手提行李其實係放係機翼同機艙底部, Wing Root 既空間入面。
機組人員於起飛前向各乘客派發薄荷糖及耳塞 - 由於 J41 既 Turboprop Engine 係擺得幾近機艙, 因此飛行時既噪音都幾大聲下。 雖然有師兄指此機其實已經 retrofit hush kit, 不過引擎聲依然非常雄厚。
係紐加素起飛後, 機組人員向各乘客派發濕毛巾, 熱飲及小食。 熱飲有茶或咖啡, 而小食則有餅乾及薯片供選擇。 會係歐洲既短途航班上提供 Full Service 既航空公司已經越黎越少見，同時NCL-BHD 既航程剩係得四十分鐘，扣除起飛同降落既時間後其實實際上剩係有廿幾分鐘派餐同收嘢 - 機上唯一一名空中服務員依然能夠於有限時間內服務曬機上十六位乘客, 小弟真係非常敬佩~
Eastern Airways 既 Jetstream 41 係採用一個 1+2 既排位安排, 並有十行座位。 張仿真皮櫈係幾舒服既, 而佢既 31-inch legroom 對小弟黎講就可以話係啱啱好。 雖然佢個機艙空間係非常細 (小弟企起身既時候係會頂頭既，何況佢已經無裝 Overhead bin lockers) 不過佢既大窗口係有助減少個幽閉感。
同 flybe 唔同, 除左機上提供 flybe 既 in-flight magazine 之外, Eastern Airways 亦提供一份 The Spectator 既雜誌供乘客閱讀。 當然, 小弟相信呢個係同 Eastern Airways 本身既定位有關 - 嚴格上黎講 T3 係一間 Commuter Airline, 而 flybe 係一間 Low-Cost Regional Airline - 正所謂百貨應百客, 相信此舉亦同 Eastern Airways 既目標客源直接掛勾。
係紐加素起飛四十分鐘後, BE7671 順利降落 Belfast City。 Taxi 到閘口後, 飛機並展開落機及加油程序。 係呢班機上, 有大約十位乘客係前往北愛既, 而其餘乘客就留係機上等後另一批乘客登機。
後半既旅程都過得好 uneventful - 係 Belfast 等候大約三十分鐘後, G-MAJD 便啟程前往Isle of Man。 二十分鐘既航程真係好快過 - 到達巡航高度後, 位空姐派多次薄荷糖後, 航班已經已經準備緊降落 Isle of Man Ronaldsway Airport。
餘下部分都過得非常順利 - 小弟係 Valet Baggage Cart 攞翻手提行李後, 寄艙行李再過多一兩分鐘後已經輸送帶上轉緊 (無疑係細機場既好處黎)。 買埋電話卡及巴士卡之後, 小弟同朋友既 Isle of Man 五日四夜之旅則正式揭開序幕。
---Verdict---
總括而言, 呢個航班對小弟黎講真係又驚又喜 - 雖然小弟開頭買呢張機票既時候係有少少擔心部飛機會比較'拋', 不過呢部 BAe Jetstream 41 既飛行體驗係幾順暢既。 同時小弟真係無預過 Eastern Airways 會係一個咁短既旅程上提供 refreshments - 呢項對小弟黎講係加好多分既。 如果下次小弟係英國北方既大城市之間遊走, Eastern Airways 必會係小弟考慮之列內。
紐加素機場 - 雖然個裝修未必係最現代, 不過佢既設施則應有盡有。
flybe 既自動預辦登機部份同寄艙行李櫃檯係同 Ryanair 共用既
紐加素既 Airside 其實就唔係太大, 基本既店舖係有既, 例如 WH Smith (書局) 同 Burger King 等等, 不過座位就比較少。
紐加素既 tarmac movement - 前方就係一部 KLM 既 737-700, 而後方就係 Jet2holidays 既新色 737-800。
Boarding the Jetstream 41 - 呢部機係使用兩個 Garett TPE331 Turboprop Engine, 而螺旋槳則由美國既 McCauleys 製造。
實不相瞞, 見到機艙係採用呢個 1+2 既座位佈局後, 小弟係有好大衝動大喊 '北河街有落唔該'
於天外可找到名勝 俯瞰極光跨過絕嶺 星際歷險之旅由我見證 Nowhere Boys《地心吸力》
左一,二: BAe Jetstream 41 既安全卡 右二: The Spectator 右一: Flybe's Inflight Magazine
耳塞及薄荷糖 - 係長途航班上派發既 Amenity Kit 以外, 搭飛機派耳塞真係第一次見
BAe Jetstream 41 既內籠 - 坐小弟前方位女士其實個頭係貼住個機艙既, 大家可以想像下機內空間係幾有限啦
Jetstream 41 其實係装有擾流器 - 引擎與機身之間, 印有 "請勿踐踏" 標誌既部分就係呢個擾流器 - 呢個擾流器會係 touchdown 後自動升起, 有效減少升力 ('lift dumping') 及減少降落需要既距離。
餐茶及一包薯片 - 值得留意既係呢度全部都係印有 Eastern Airways 既logo - 睇黎 T3 真係好重視佢個品牌形象
A brief stop at Belfast City
呢個係機上既廁所 - 留意翻佢係無洗手盤, 同時由於個天花係屈入黎同個地板係凸高左既, 原則上用呢個廁所係好考閣下身體既靈活性... 可能係小弟用廣角鏡影既關係, 個效果唔係好明顯, 不過真實世界入面其實呢個空間係非常之狹窄既。
Takeoff at Belfast City Airport Bombardier 係北愛既廠房係 00:25 出現 - 呢個係以前 Short Brothers 既廠房, 而當年有唔少經典既小型客機, 例如 Short 330 同 Shorts 360 都係呢度製造。 自從 Bombardier 收購 Shorts 之後, 呢個廠房則負責製造機翼等零件。
Ronaldsway Airport - 雖然呢個機場原則上只係一個兩層高既建築物, 不過用黎服務 Isle of Man 呢個人口不足十萬人既島 則綽綽有餘。
-----------------------------------
如果閣下鐘意小弟既飛行報告既話, 不妨睇埋小弟之前寫落既浸鹹水遇溺記~~ 第七回 BE7671 NCL-BHD-IOM 尋找 Jetstream 41 的故事 第八回 BA3287 IOM-LCY 一個避完稅走去翻學既故事 - 不日推出 第二十一回 拜訪協和號試驗機 - Brooklands - 不日推出 第二十七回 CX255 HKG-LHR 回到最初的起點 - 不日推出 第二十八回 BA1470 LHR-INV 北上的步伐 - 不日推出 第二十九回 LM391 LM398 EDI-KOI-EDI A Study of Tartans - 不日推出 第三十回 LM711 KOI-PPW-WRY-KOI 全球最短航班 - 不日推出 第三十一回 LX425 WK348 BHX-ZRH-HER 青出於藍的雪絨花 - 不日推出 第三十二回 BUC8336 HER-LNZ McDonnell Madness - 不日推出 第三十三回 EN8043 LNZ-FRA Air Dolomiti & 法蘭克福半日遊 - 不日推出
| 
樓主
