hkitalk.net 香港交通資訊網

 找回密碼
 會員申請加入
Custom Search

Login

搜索

 

Advertisement

 
(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 (B3)巴士攝影作品貼圖區 (B3i)即拍即貼 -手機相&翻拍Mon相 (B4)兩岸三地巴士討論 (B5)外地巴士討論

Advertisement


(B6)旅遊巴士及過境巴士 (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛
(A6)相片及短片分享/攝影技術 (A10)香港地方討論 (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 (C3)海上交通及船隻 (D1)公共交通有關商品   (Y)hkitalk.net會員福利部 (Z)站務資源中心
(R1)香港鐵路 (R2)香港電車 (R3)港外鐵路   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表     最新板務資訊  
 

Advertisement

 

查看: 2235|回復: 1

[飛行報告] 浸鹹水遇溺記 第十九回 (下) 拜訪 Duxford 迷你空展

[複製鏈接]

1591

iPower

1552

aPower

1150

HugeC

Level 2

Rank: 2Rank: 2

積分
3388
發表於 2020-8-13 06:37 | 顯示全部樓層 |閱讀模式

                                    Advertisement



本帖最後由 HZ8186 於 2020-8-13 06:49 編輯


浸鹹水遇溺記 第十九回 (下) IWM Duxford Mini Airshow

上兩回遇溺記 小弟就同大家介紹咗 Duxford 既展覽同民航機收藏, 今回遇溺記 小弟會介紹探訪當日既 Mini Airshow, 以及 base 係 Duxford 既各類型 warbirds~~

IWM Duxford 係建於 Duxford Aerodrome 既現址上 - 呢個機場係依然開放予公眾使用而每年館方係會善用呢個跑道舉辦各類型既 Airshow, 例如 Duxford Air Show, The Flying Legends Show, 以及 American Air Day 等等。今日既 Airshow 其實只係一個細規模, '季尾' 既展覽, 而演出既飛機則只有長期駐場既常客 - 儘管如此, 呢批 Duxford 常客之中亦不乏唔少經典既二戰戰機, 例如 Supermarine Spitfire, Hawker Hurricane, 以及 Consolidated Catalina 等等。

同上一回 遇溺記 一樣, 今篇空展報告係會以一個 photo essay 推出, 希望大家鐘意啦~~

前傳:


今日第一部出場既 係圖中既 TX310 G-AIDL。 de Havilland Dragon Rapide 為一部於 1934 年投入服務並可以載 6~8 人既短途客機。呢部客機係一個頗成功既設計 - 由於飛機既大小適中, 當年既航空公司係會用呢個機種黎連接唔少二線城市 - 計埋 Rapide 既軍事版姊妹 dH Dominie, dH 係售出超過七百部飛機。同時, 除咗航空公司之外, 當年有唔少石油公司亦會使用呢部飛機作員工接送及零件運送之用。

呢部客機亦係二戰期間為唔少聯軍軍隊效力 - 係二戰爆發後, 英國所有既民航機都被英國既 Air Ministry 徵用, 而有唔少 Dragon Rapide 亦被用訓練及運輸之用。 而二戰過後, 呢個機種則繼續被航空公司用作營運連結各二線城市既航線。

今時今日, 閣下係依然可以親身體驗呢部 三十年代既設計 - 圖中既 G-AIDL 由一間叫 Classic Wings 既公司擁有, 而呢間公司係會定期舉辦乘搭呢部 Dragon Rapide 空中遊覽劍橋及倫敦既航班。 雖然佢既票價係夠你來回一轉台灣, 不過小弟相信呢個係一個幾特別既體驗黎既~~


Westland Lysander 為一部二戰時期既 liason aircraft, 為執行陸軍支援任務而設計。唯係二戰初期 英軍調整戰術後, 呢部戰機已經迅速退下前線, 而呢部飛機則獲調派作訓練及訊息傳遞等任務。不過由於 Lysander 擁有一個異常地低既 stall speed, 而佢係可以係唔少 'rough & unpaved airstrips' 上降落 - 英方係經常會用到呢部飛機進行特務活動, 晚上深入法國等地區 把人或物質送入被侵佔既地區, 並接走被擊落既機師等。

圖中既 Lysander G-GCOM 係由 Aircraft Restoration Company 擁有, 據報呢間公司係有既話為呢部飛機申請收費載客既許可 - 對二戰時期既飛機有興趣既版友不妨留意下呢部飛機既去向啦, 話唔定未來有得親身乘搭呢部二戰戰機呢~~


今日展出既飛機之中亦不乏 Trainer Aircraft 既蹤影 - 可能今時今日大家一提到飛行學校 閣下就會聯想起 Slingsby Firefly 或 Diamond DA42 等機種 - 不過當年英國既 Trainer Aircraft 則為圖中既 de Havilland Tiger Moth。RAF 當年購入過千部 Tiger Moth, 而當年既 recruits 係會係 Tiger Moth 上訓練, 基本上位位戰機機師都會掂過呢部 biplane。Tiger Moth 既應用亦遍佈整個帝國 - 澳洲 新西蘭 加拿大 等國家亦有大量購入呢個設計, 而 de Havilland 最終係生產越八千部 Tiger Moths。

今日既空展係有兩部 Tiger Moth 展出 - 第一部係圖中既 G-AGPK, 而第二部則為 G-ANZZ。G-AGPK 原為 PG657, 並於戰後轉售予法國。此訓練機期後獲 Classic Wings 購入, 並再次披上 RAF 既 Training Camoflauge Scheme 繼續飛行。


係大西洋既另一邊, 美軍則使用 North American AT-6 Texan 為新兵做 ab-inito 訓練。同 Tiger Moth 一樣, 呢部訓練機都係一部 '易上手, 難駕馭' 既飛機, 而係二戰期間, 美國係一共製造上萬部 Texan, 為美國空軍提供充裕既訓練器材。美國亦有提供二千部出口版 AT-6 "Harvard" 予英國, 而呢批機最後係送往加拿大作機師訓練之用。圖中既 ER-992 (C-GFLR) 為一部由加拿大既廠商 Noorduyn獲授權生產既 AT-6 Harvard, 於戰時為 RCAF 服務, 而現於英國獲私人保留。順帶一提,呢種訓練機係戰後亦曾係香港服役, 如果小弟既資料無誤既話 當年既 HKAAF/RHKAAF 亦有用過約十二部 Harvard 作訓練之用, 唯呢批機係 1960 年前已經全數退役。


繼兩部 Trainer Aircraft 既演出後, 今日既空展就開始進入戲肉 - 先有圖中既 Hawker Hurricane 既展出, 而有部 North American P51 Mustang 緊貼其後。

相信各讀者都會聽過呢部 颶風型戰機啦 - 呢部戰機係二戰期間 RAF 既主力, 而係二戰初期, Supermarine Spitfire 尚未大量投入服務既時候, 呢部同樣配上 Rolls Royce Merlin 引擎既戰機係擔當起大不列顛既防禦。Hawker 係二戰期生產上萬部颶風型戰機, 而今日既主角 SD-X (V7497) 則於 1940年八月於 Kingston, Surrey 誕生。可惜呢部戰機既服役年期只有兩個月咁多 - 呢部戰機於同年十月係 Sutton, Kent 被德軍擊落 - 飛機係 2018 年獲修復, 係少有 airworthy 既 Mk1 Hurricane 之一。


North American P-51 Mustang 為一部美國製既二戰戰機 - 原為 RAF 而設計, 呢部機係 1942年投入服務, 並為盟軍提供一部具有極長航程, 可以深入法國及德國既戰機。配上 Rolls Royce Merlin 引擎, 呢部戰機係可以於有效保護當時於歐洲上空進行日間轟炸既美軍 B-17 & B-24, 而其戰鬥表現係比得上德軍既 Bf109 及 Fw190。

今日展出既 Mustang 為 G-SHWN, 為一部前 USAAF & RCAF 既戰機 - 雖然呢部戰機從未為 RAF 服役, 不過呢部機於 2012 年獲一個英國既收藏家買下並披上 RAF 圖裝, 並係各空展演出。

P.S. 小弟見到佢既鯊魚嘴設計表示 wwwwwwww


當然, 一個以二次世界大戰為主題既空展係要有 Messerschmitt Bf109 既出現啦 - Bf109 係德方既主力戰機之一, 而係德方一直改良及更新 Bf109 既戰機設計下, 呢部戰機由二戰開始到結束都係一部非常打得既戰機。不過細心既版友會發現 圖中戰機引擎既排氣位並非 Daimler Benz 既引擎設計, 而係一個 Merlin 既排氣設計 - 圖中既戰機係一部西班牙製既 Hispano HA-1112 - 雖然機身係用上 Bf109 既設計, 引擎同螺旋槳則為 RR Merlin 及 Hamilton/Rotol 既出品。

雖然呢部戰機係近代最注目既 "任務" 係以 Bf109 既身份參與電影拍攝, 不過呢部機既背後係埋藏咗一段頗黑暗既歷史。 即使二次世界大戰係1945年結束, 而世界各地開始進行去殖民化既舉動, 不過當時由親德國既獨裁者 Francisco Franco 帶領既西班牙係無意放棄其殖民地, 甚至係 1947年重新訂立君主制。可想而知, 當時西班牙同西方民主國家既關係係相當冷淡, 而即使係五十年代初期西班牙同西方國家關係開始溫和既時候, 各國係依然對西班牙出售軍火持有限制。

雖然美國係 1955 年售賣 F-86 等第一代噴射式戰機予西班牙以換取於西班牙設立空軍基地, 唯美方早已表明西班牙係不得使用其國家售賣既飛機去進行殖民地既 '管理'。係呢個情況下, 西班牙係決定繼續使用二戰時期既軍事設備駐守非洲既殖民地, 甚至二戰結束十年後, 再生產多批 Bf 109 供西班牙空軍使用。呢批 Bf 109 既機身由 Hispano Aviation 提供, 而引擎及螺旋槳則源自英國既 Army Surplus。

呢批配上 Rolls Royce Merlin 既 Bf109 係 1965 年退役, 而西班牙既殖民政策係 1975年隨住 Franco 逝世而結束。由於 Franco 於 1947年恢復帝制, 擁有皇室血統既 Juan Carlos I 成為國家既繼承者 - Juan 於 1975年登基, 並係任內帶領國家民主化。 西班牙係 1978年成為一個行君主立憲制既國家, 成為今日眾所周知既歐洲大國及旅遊勝地。

註: Juan Carlos I 係近年因為貪腐醜聞而於 2014年退位及於 2020年流亡 UAE, 而現任國王為其兒子 Felipe VI.


今日迷你空展既高潮無疑係下午既隊形飛行 (Formation Flying) - 呢個機隊由 Supermarine Spitfire, North American FG1-D Corsair, 及 Grumman F8F Bearcat 各一部組成, 而呢個隊形當日除咗跑 Circuit 之外, 亦做咗兩次 low pass。

對小弟而言, 有三部擁有過千匹馬力輸出既活塞引擎同時係頭頂飛過呢個感受真係唔可以單純用文字可以表達, 除咗話當日係五官既享受之外, 睇完佢地表演之後小弟係起曬雞皮既。


Supermarine Spitfire 無疑為英國係二戰時期最具標誌性既戰機, 沒有之一。由於呢部戰機擁有優越既性能, 配上一部 Rolls Royce Merlin, 呢部戰機係可以空對空戰爭入面力壓敵軍既戰機。英國係二戰期間生產近兩萬部 Spitfire 以抵抗軸心力量, 而呢部戰機亦發展成為 Seafire 以供航空母艦上既運作。

Spitfire 優越既性能係源自其機身設計 - 流線型既設計配上 Supermarine 及 Vickers 為其設計既橢圓形翼面亦令機翼既厚度可以減低減低機翼產生既阻力 (induced drag), 從而增加飛機速度。同時, 唔少細小既設計決定亦有利飛機既性能 - 例如使用 Sunken Rivets 以增加飛機外殼既平滑度, 以及使用 Stressed Aluminium 作外殼既物料, 以減少飛機重量等等。

不過先進既設計亦帶黎相應既生產問題 - 由於 Spitfire 係用上唔少先進既生產技巧, 一部 Spitfire 係需要大量熟手既工人, 而按當時既估計, 一部噴火型戰機係需要 15000 man-hours 才可組裝完成。相比起只需 10000 man-hours 則可組裝妥既颶風型戰機, Spitfire 既組裝係無疑比其他同類型戰機複雜, 而呢兩個問題係二戰初期大大限制咗 Spitfire 既生產量。

雖然英國政府當年大力吹捧 Spitfire 為 the Battle of Britain 既救星, 不過唔少近代既歷史學家都認為實際上 Hawker Hurricane 既功勞係遠超 Spitfire 既功勞既 - 雖然 Spitfire 係呢場三個月長既空中戰爭中可以有效迎戰德軍既 Bf109 同 He111, 不過由於 Battle of Britain 服役既 Hurricane 數量係遠超 Spitfire 數量, 即使 Hurricane 既飛行性能不及 Spitfire, 係二戰初期颶風型戰機擊落既飛機數量係遠超 噴火型戰機既。

不過對於一般市民而言, Spitfire 呢個名對佢地則有另一個意義。當時有唔少文宣都會提及呢部新型戰機, 而有唔少提升士氣既措施, 例如 The Spitfire Fund, 都會用上佢既名字。 (The Spitfire Fund 係一個募資基金, 同捐錢俾間學校之後個禮堂會加你個名既原理一樣, 當時只要你捐 £5000, RAF 就會安排其中一部噴火型戰機改上你既名。呢筆錢會唔會令當時既國庫走出財困? 未必。不過呢筆錢會唔會令一般民眾覺得自我感覺良好以及繼續保持團結? 一定得~~) 呢系列既舉動係成功提升市民士氣, 亦令 Spitfire 變成一個家傳户曉既名字。


今日演出既 Spitfire G-SPIT 為一部 Mk. XIV, 係一部後期版本既 Spitfire。 有別於初期既噴火型戰機, 呢種 Spitfire 係配上 Rolls Royce Griffon 引擎, 而外觀上 (尤其係駕駛室既罩篷以及機翼翼尖) 亦有明顯改變。事源德軍於 1941 年引入 Focke-Wulf Fw190 戰機 - 呢部戰機係比 Spitfire 擁有更優勝既性能, 而 Fw190 投入服務後, 英方隨即要求 Supermarine (Vickers) 提供一部更靈活既噴火型戰機。

廠方提供既解決方法係非常簡單 - 將翼尖部份, 約六十厘米長既翼面, 拆除便可。呢個改動係大大增加噴火型戰機既 Rate of Roll, 而係低空飛行既速度亦有所提升。同時, 呢個改動並唔需要改動 Spitfire 既設計, 而呢個簡單既改動只需一位工程師同一把螺絲批便可辦妥。雖然呢個改動係唔足以令 Spitfire 既性能睇齊 Fw190, 不過呢個係大大提升咗噴火型戰機既性能, 而唔少後期既 Spitfire 都係採用呢個 "Clipped Wing"。


Vought Corsair 為一部美國製既艦載機, 係 1942 年投入服務, 並係東南亞及南太平洋既戰爭入面扮演重要角色。由於呢部飛機係投入服務初期因為係航母上降落既表現不佳, 呢部 Fighter-Bomber 係原先獲分配予陸上部隊既, 而係後期 Corsair 既降落表現獲改善後, 配上呢部戰機既優良控制同表現, 呢部戰機基本上係同 Hellcat 等型號平起平坐既。

今日展出既 FG-1D (呢部為 Goodyear 授權生產版本既 F4U) 則係一部披上皇家海軍色彩既前美國海軍戰機。雖然 G-FGID 係戰時從未為英軍服役, 不過當年英方係的確有購入二千部 Corsairs 供其太平洋艦隊使用 - 由於英方一直缺乏一部具有高續航力並可以於航母上運作既戰機, 英國係 1943 年尾引入多部美製 Corsair 以增強其航空母艦群既戰鬥力。呢批戰機係東南亞係同美方既戰機並肩作戰, 而今日展出既 G-FGID 則披上當年 British Pacific Fleet 既 Corsair 既色彩。


圖中既美國海軍戰機為一部 Grumman F8F Bearcat, 為一部二戰後期研發既戰機, 並為航母上升降而設計。呢部戰機可以話係將當年活塞引擎戰機既技術推到極致 - 配上一部改良版既 P&W R2800 引擎, 呢部戰機係比其他同期既戰機擁有更高既爬升能力。

雖然呢部戰機擁有優良既性能, 不過隨住二次世界大戰 1945 年結束, 呢部戰機係未曾為美軍出戰。雖然 Bearcat 於 1952年被美軍退役, 不過其優良性能則獲另一類機師垂青 - Air Racing。呢部戰機異常地高既 Thrust to Weight ratio 令呢部飛機既表現可以超出其他當年既機種, 而美國係六七十年代係有唔少 Air Race 都會見到呢部活塞引擎戰機既出現。今時今日世界各地係有大約二十部 Bearcat 獲保留, 而當中有一半係依然 airworthy 添~~


//誰亦張口舞爪 不分美醜 半點骨氣怎去守
還是烏煙四周 更是時候 以風骨應對這荒謬//


呢部水陸兩用既軍機為一部 Consolidated PBY-5A Catalina 係美軍於太平洋戰爭中其中一部最具標誌性既飛機之一。Catalinas 除咗可以執行搜救行動之外, 亦可以執行海上巡邏, 物質運送等職責, 由於其用途廣泛, 相信閣下亦可見為何此軍機型號於二戰期間深受聯軍歡迎~~

圖中既 PBY-5A 為 G-PBYA, 原為皇家加拿大空軍 RCAF 服役, 並於二戰期間太平洋進行潛艇偵測工作及於二戰後負責為加拿大北部地區進行補給。飛機於六十年代轉投私人市場, 並於法國及加拿大兩地進行救火服務。 呢部 Catalina 於九十年代末期退役後獲現任買家保育及拆除 waterbombing 既設備, 並從 2004 年開始於歐洲各 airshow 出現。


總結呢個 Museum Visit, 小弟覺得呢個博物館係非常值得參觀既 - 雖然 IWM Duxford 係收取 £20 入場費, 不過博物館收藏真係非常珍貴, 而場內既展品保育係真係做得好好。無論閣下係一位軍事迷定係一位鍾情民航既飛機迷, 相信呢個博物館係一定會有展品啱閣下心水既。

不過呢個博物館既缺點則源自呢個博物館對外既公共交通 - 基本上 Duxford 只係有一條巴士線連結博物館及英國既鐵路網, 而呢條巴士線都係一日四班車。如閣下前往 Duxford, 方便期間小弟會建議閣下駕車前往, 或乘火車到鄰近車站後轉乘的士前往博物館~~ (記得同的士公司 book 埋回程吖)

另一個問題則源自展品既擺位 - 由於展館空間有限, 展出既各種飛機係排得密密麻麻, 而係各飛機之間穿插既時候唔知點解係有少少壓迫感既。同時, 博物館亦有利用 Airspace 展館一二樓既空間展出更多收藏品, 而有唔少飛機既機翼下面亦有其他更小既飛機, 亦有炮彈及其他車輛展出。當然, 小弟都明白土地問題唔係香港獨有, 不過當展品排到想影個 clean shot 都有困難既時候, 小弟真係希望佢下次壙展博物館既時候可以改善佢既擺位咯~~

由於 IWM Duxford 既收藏實在係太多, 即使小弟既遇溺記係分成三部份, 今回 遇溺記 其實只係提及 Duxford 最重要既幾部收藏品 - 如果閣下有興趣, 小弟真係會建議讀者親身拜訪。今回 遇溺記 就寫到呢度先, 希望讀者鐘意呢種 Photo Essay 既形式寫既飛行報告啦。 下回 遇溺記 都繼續會係博物館報告 - 小弟會探訪 RAF Museum Cosford, 希望一個月後可以再同大家見面啦~~



-完-

如果閣下鐘意小弟既飛行報告既話, 不妨睇埋小弟之前寫落既浸鹹水遇溺記~~

第七回 BE7671 NCL-BHD-IOM 尋找 Jetstream 41 的故事 - 不日推出
第八回 BA3287 IOM-LCY 一個避完稅走去翻學既故事 - 不日推出
第十九回(下) 拜訪 Duxford 迷你空展 - IWM Duxford
第二十回 拜訪 RAF Museum - Cosford - 不日推出
第二十一回 拜訪協和號試驗機 - Brooklands - 不日推出
第二十三回 SN2093 BRU-LHR 初嘗布魯塞爾航空 - 不日推出
第二十四回 EI283 LCY-DUB 尋找 Avro RJ 的故事 - 不日推出
第二十五回 FR534 DUB-EMA 初嘗瑞恩航空的故事 - 不日推出
























評分

參與人數 3aPower +3 HugeC +30 收起 理由
Chau161 + 10 大師級作品
S3BL100 + 1 + 10 多謝分享
2076 + 2 + 10 大師級作品

查看全部評分

3617

iPower

38

aPower

225

HugeC

Level 2

$18.8 flyer

Rank: 2Rank: 2

積分
4024
發表於 2020-8-13 16:32 | 顯示全部樓層
Duxford Air Show我都去過,果陣係大型的,仲有法國飛過來的Dassault Mirage進行low pass
Airshow日子會有shuttle bus由Cambridge station出發,算係比較容易到達
正常日子就真係得逢星期日得1日4班的132巴士由Cambridge出發,好在我之前base過cambridge,尚算係方便的
平日/星期六就真係要搭Liverpool Street-Cambridge的火車,喺Whittlesford Parkway轉的士前往

咁啱我之前都base過west midlands,亦都去過RAF Museum Cosford,期待你下回報告喚醒我的回憶
抗議962B重組
還我962全日服務
您需要登錄後才可以回帖 登錄 | 會員申請加入

本版積分規則

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2020-10-19 23:25

Powered by Discuz! X3.3

© 2001-2013 Comsenz Inc.

快速回復 返回頂部 返回列表