浸鹹水遇溺記第八回 BA3287 一個避完稅去翻學既故事

HZ8186 · 發表於 2023-5-28 19:41

---Intro---

繼浸鹹水遇溺記第七回, 小弟去左 Isle of Man 睇羊, 食海鮮同逃稅 (?) 之後, 今回小弟會乘搭 British Airways 由 Isle of Man Ronaldsway (IOM) 前往 London City (LCY)。

同上回提及既 flyBE BE7671 一樣, 今回既航班並非由 BA 營運, 而係由另一間航空公司營運。今日既用機就係一部配上英航色彩既 Saab 2000 G-CDKA - 雖然飛機由 Eastern Airways 擁有及營運, 不過機上既服務, 例如派餐等等，則同 British Airways 睇齊。

--- Flight Info ---

BA3287 IOM > LCY G-CKDA

Saab 2000

IOM STD 1645 ATD 1653

LCY STA 1810 ATA 1802

Operated by Eastern Airways for British Airways

-- Isle of Man --

相信大家一聽到 The Isle of Man 就會聯想起 Isle of Man TT, 不過呢個擁有八萬人口既島嶼除左賽車之外其實都有唔少景觀既。除左有山有水之外, 全世界最細小既量產汽車 (Peel P50), 全世界僅餘既 Horse-Drawn Tramway 之一 (Douglas Bay Tramway) 全部都可以係呢個島搵到。

同時間，呢個島嶼係擁有一個極度發達既公共交通系統 - 有別於一般做法, 呢個島既保育鐵路係屬於公共交通既一部份。雖然巴士係當地交通系統既骨幹，不過各保育鐵路上都會見到唔少當地居民往返島嶼各處，夾好時間既話閣下甚至可以乘蒸汽火車往返機場同市中心添～

-- Isle of Man Ronaldsway --

雖然由 Isle of Man 既首府 Douglas 前往機場係要搭四十分鐘巴士, 不過由於呢個島係大部分路段上係沒有法例上限, 所以實際上行車時間係同司機心情掛勾既。今日司機心情應該幾好既 - 班車搭半個小時就到左個機場。

到達機場後, 小弟便前往預辦登機手續。可能四月未係 Isle of Man 旅遊旺季既關係, 機場既離境大堂基本上係空無一人 - 係 Check-In Counter 把行李寄艙後, 小弟就直接入左 Airside 等候登機

呢個機場既商店都算係幾標準 - 有一間 WHS Smith (Landside), 有一間 Costa (Airside), 同有一個貴賓室。 Arrivals 則有三間租車公司同一個 Tourist Information Centre。值得一提既係係一般航空公司既 Check-In Counter 旁邊係有兩間提供私人飛機租賃服務既公司 - 睇黎呢個機場既係服務唔少 Bizjet Charters.

---

今日既登機程序係非常順暢 - 係閘口檢查登機證後, 乘客就被安排到地下一個候機區, 再過五分鐘, 乘客就跟地勤指示步行登機。今日既航班係非常準時 - 航班係1650 Pushback, 五分鐘後航班已經係 Irish Sea 上空往英格蘭進發。

講翻少少飛機既背景先 - 呢部 Saab 2000 係一部 50座既 Regional Turboprop, 並使用 Saab 340 既設計拉長合成既。機內採用一個 1+2 既排位設計, 而廁所則設於機頭。雖然 Saab 340/2000 呢個設計已經算係80, 90年代既設計, 不過因為此機擁有良好性能同市場需求既關係, 現時依然有不少 Saab 340/2000 服務日本,英國,歐洲同澳洲既 Regional Routes。

是日既派機為 G-CDKA, 機齡廿五年, 唯機上既配置睇黎已經有一段時間未翻新過 - 座位既設計基本上係90年代既設計, 而座位既 Armrest 甚至係有煙灰缸同腳踏 - 雖然座位係比較上舊, 配上 34 inch 既 Seat Pitch, 個坐感係一流既~~ (註: 由於民航界有條例說明乘客同機組人員既比例最高為 50:1, 因此航空公司會寧願賣少三個位並把座位拉闊, 繼而聘請少一名機組人, 從而節省成本)

飛機到達巡航高度後, 服務員就派發小食同餐茶。小食有薯片同爆谷, 而餐茶則有茶和咖啡供選擇。順帶一題, BA 尚未係 BA Citiflyer 既航線上實施 Buy on board 計畫 - 之前聽過有 BA 希望係今年係所有短途航線實施呢個計畫, 唯佢地係未為 ex-LCY 既航班提供一個實際既時間表。

飛機好快就進入 LCY 既 Approach Path - 由於當天係吹緊西風, 航班獲安排使用 Runway 27 降落。呢個 Approach Path 係要從泰晤士河既河口 Southend 上空進入, 因此今日既航班路徑係要兜少少。

飛機於 1802 分降落 London City Airport, 而餘下既行程都過得好順暢 - 落機後十分鐘都唔駛, 小弟既行李已經係行李輸送帶上面, 再過多十分鐘, 小弟已經搭上倫敦既輕鐵系統 Docklands Light Rail 前往倫敦市中心, 為此趟旅程畫上一個結。

總括而言, 今次既 experience 係非常愉快既。雖然此趟行程機票都唔算平宜, 不過機票價格同機上服務都成正比既。除咗有一個不過不失既 inflight service 之外, 小弟亦非常有幸可以搭呢部 Saab 2000 Regional Turboprop, 希望日後小弟係蘇格蘭遊玩時可以再次遇上呢部瑞典製既 Turboprop~~

---

雖然馬恩島地理上位於愛爾蘭同大不列顛之間, 不過 IoM 並不屬於 The United Kingdom of Great Britain and Northern Ireland 或 The Republic of Ireland, 更不在聯合國之內 - 馬恩島係一個 British Crown Dependency, 而呢個屬地同 Channel Islands (Jersey, Guernsey) 一樣都係同屬英國皇室之財產。呢個則代表呢三個島嶼係擁有屬於自己既郵政，貨幣，甚至稅收系統，唯外交，國防等事務則交由英國負責。Isle of Man 亦屬於 Common Travel Area 之內，而因此今日航班嚴格上算係一班 Domestic Flight 黎。馬恩島人口只有八萬餘人，惟馬恩島對外既交通則相當豐富 - 除左有頻密既汽車渡輪班次連接島上首府 Douglas 與利物浦同都柏林，島上既機場亦有連接英國及愛爾蘭各城市既航班。

Ronaldsway Airport 既 Check-In Counters - 雖然當日航班係由 Eastern Airways 營運, 不過預辦登機櫃檯係用英航既名

係 Ronaldsway Airport 停泊既 BAe ATP - West Air Atlantic 係同 Royal Mail 簽左合約, 並定期會為 Royal Mail 執飛 Cargo Flights.

Loganair 既 Saab 340 - Loganair 同 flybe 既合約剛剛係一七年九月結束, 並同 BA 簽訂新既 Codeshare 協議。同時, Loganair 旗下既客機亦重新披上 Loganair 既機身色彩。

Looks can be deceiving! 今日航班既用機 G-CDKA 剛剛由 London City 抵達 Isle of Man。雖然呢部機係掛上英航既色彩, 不過呢部 SB20 係由 Eastern Airways 擁有及營運既。順帶一提, G-CDKA 係被篇排執飛所有 LCY 來往 IOM 既航班, 一日甚至會飛呢條航線六次 - 所以 G-CDKA 係呢條航線名副其實既 '掛牌'~~

Saab 2000 係內置 airstairs 既, 到達機場後係無需要另外租梯用

飛機既 Safety Card - 機上並無任何刊物提供, 因此小弟既手機則自動變成小弟係呢個一小時航班上既 Inflight Entertainment。

小弟今日坐係 9F - 雖然呢部機係一行三張櫈, 不過座位則以 A (Port Window), D (Starboard Aisle), F (Starboard Window) 標籤。

是日餐茶 - 機上既 Branding 係跟翻 British Airways 既品牌, 咖啡杯等都印上 BA 既圖案, 唯一不足既係今日既茶係沖得比較淡 (應該係小弟嘴刁掛

)

機上位於機頭既廁所 - 今日既洗手盤係 in-op, 取而代之既係一盤濕紙巾

踏進笨人樂園人是否蠢一點

把理想放下是何年怕越行還越遠

請歸去和世界大戰

//薛凱琪十年後的我//

個座位既設計係比較舊式, 個腳踏既設計都幾經典 (可惜小弟唔記得幫個煙灰缸做個特寫)

此飛機都係採用一個 1+2 既機艙排位, 不過對比同公司既 Jetstream 41, 今次既空間感, Seat Pitch 同 Width 都比 Jetstream 41 優勝 - 雖然個機艙已經有一段時間無翻新過, 不過個座位係非常舒服既。