053h4 發表於 2019-12-19 14:56
天水圍人口呢十年大約都係維持30萬左右
一啲剩係識望住一堆數字下結論嘅人都幾離地同膚淺。
你多唔多去天水圍？有冇瞭解過居民嘅需求？
David_hk 發表於 2019-12-19 14:40
一隻手掌係拍唔響嘅
點解要搞屯天線其實有一大堆理由
1. 鐵路停駛引起用家恐慌，用家希望有更多同更穩定嘅 ...
之前輕鐵減到15-25分鐘/班，以全拖卡行走，雖然班次疏，但衰啲講，每班載客量不均問題有改善
長遠屯門區輕鐵部分路綫應陸續改以全拖卡行走，但代價就會係班次略為變疏，要睇乘客會唔會接受到
例如平日早繁751由8拖卡加4單卡，改為10拖卡，但班次由平均7-8分班減到9-10分班
單拖混合行駛最大問題係單卡較逼，上落客時間多，加劇甩班問題
至於屯天巴士線，畢竟天水圍人口冇元朗咁集中，而且西鐵時間上本身都唔輸蝕，而且車費如果定得貴，班客都係繼續坐返西鐵
比起人口數目
其實如果講人口結構會比較好
10年嘅改變其實都唔細
好多人10年前唔使跨區通勤，但10年後嘅而家多咗唔少人需要跨區通勤（自己都唔例外）
而家無論係K76定輕鐵定巴士，喺兩繁都爆晒，其實都反映咗通勤嘅需求升咗唔少
053h4 發表於 2019-12-19 14:56
天水圍人口呢十年大約都係維持30萬左右
人口數量不變同通勤需要有冇改變係兩回事
kay 發表於 2019-12-19 14:25
自給自足點解唔得?
先唔計返工呢D無得揀問題
第一，天水圍真係可以自給自足？
係呀，天水圍可以去領展買餸呀，可以去博愛醫院睇醫生，可以去天水圍公園玩
但係你可能未住過天水圍/屋企無老人家，唔知道天水圍嘅服務，質素係垃圾到，連基本自給自足都未必做到
先唔講元朗區診所/醫院嘅垃圾程度，而家連區內買餸，都貴過搭車去另一區買，更遑論質素。而且元天之間交通完全唔合格，你估天水圍好想搭269D，好想霸住D位，阻住沙田客？
佢地嘅需要，完全唔係垃圾天水圍可以滿足，更唔係元天服務滿足到。所以要屯門路線，我覺得無可厚非。
第二，你都係無回應，有板友已經提出有人要返學，有人要去屯門醫院，有人要用更低價錢買野。
要知道，屯門食燒味飯，22/23蚊已經有，仲要已經係良景邨。天水圍？30蚊已經偷笑啦。
如果以自給自足為由，使多咗嘅錢係咪你俾？
另外，屯元天之間返學嘅人係好多，因為天水圍(好似)無咩校譽好嘅(sorry可能小小得罪)，但係屯門，我唔使諗都講得出百周年，南官。
呢批客有幾多呢？你搵日4點去下洪水橋，觀察下輕鐵，就知。而呢D學生，問心，有幾多真係好彩，一程直達屋企呢？
第三，有邊個話，屯天客係要解決老人家師奶需要？
如果非繁客源 = 解決老人家師奶需要，咁香港所有非長途、非跨區嘅已經可以cut。
如果想搵下非繁客源係點，我建議你搵日觀察下非繁嘅輕鐵，尤其751同761P。
觀察完之後，你就會知道，點解有人要求開屯天，尤其天北。