建議 66X 不經旺角，改經大角咀道

簡單黎講就係欽州街開始跟 31B 直插奧運站 , 回程亦經海壇街出欽州街轉回長沙灣道繼續行程

好處
- 屯轉網絡可拓展至深水埗南部 / 大角咀道
- 星期六/日 旺角交通情況非常惡劣 , 美孚 - 深水埗一段係所有 X 線都塞死既情況下 , 仍然有條班次較穩定既 66X 先送上轉車站再繼續行程
- 於眾多途經旺角 X 線當中 , 以 66X 客量較遜及班次較疏 , 直接受影響人數較其他 X 線為低

壞處
- 失去旺角 - 大興/山景直車 , 可能出現頗大反對聲音
- 客量可能出現下降導致削班

如眾版友有意見 , 歡迎提出

唔經旺角, 客量肯定立即插水
其實本身31B大角咀至深水埗一段唔係好多人搭車

kmb71k 發表於 2016-6-18 00:15
唔經旺角, 客量肯定立即插水
其實本身31B大角咀至深水埗一段唔係好多人搭車

預咗 66X 客量會跌 , 但如果走咗既客係左手交右手搭返九巴轉車 (所以唔搞近西鐵既 67X) ,
又換來美孚 - 深水埗段有條救命符 , 影響未必係咁大

如果要脫離旺角，屈落大角咀，似乎經南昌街轉落去會好過欽州街？
起碼深水步港鐵站一帶站位唔使改。

另外，與其改 66X，其實樓主有無諗過拆個位數班次兼停轉車站的 59X 60X 其中一條？
拆完後一條西廊旺角落佐敦，再同 63X 夾班次，變相加密轉車站旺角特快；一條就深水步屈落大角咀

當然拎呢兩條線玩，各自都可能有其他問題需要解決，
例如搞 60X 會令到安定友愛無車由太子返歸；
搞 59X，旺角東乘客要轉車，屯碼無車由太子返歸，而且相信要配合 60X 縮短，又可能衍生其他問題

不過以屯門覆蓋人口計，效益分分鐘好過改 66X，大角咀換太子未必太差，況且 66X 都要面對大興無車落旺角的問題

改行塘尾道做到旺角邊緣, 阻力應該會細過行大角咀道, 往奧運站在旺角消防局對面及長旺道加站, 往大興在馬會及旺角消防局加站, 要行番出太子站 旺角感覺上冇大角咀道咁遠, 但往大興可能仍要受旺角道有可能出現的大擠塞, 而難以轉入塘尾道.

EX-TL 發表於 2016-6-19 04:34
改行塘尾道做到旺角邊緣, 阻力應該會細過行大角咀道, 往奧運站在旺角消防局對面及長旺道加站, 往大興在馬會 ...

若果真係work既果堆西廊直去旺角既線早已經做左，唔駛搞到果堆線就算有時塞燈都要入番去上海街/彌敦道先至開始停站(https://www.youtube.com/watch?v=8vhetaAjcjQ)而大角咀客就繼續沒有受惠。

巴士公司對於例如大角咀直接來往新界一向的確有鄙視底，又例如連翔道果邊又係開左多年都係除左904和905之外竟然冇積極plan巴士線由連翔道入大角咀(連翔道係與3幹同期既產物而非與青沙同期既產物)。