Waiyin12 發表於 2025-3-8 21:11
莫非樓主當時的 BRU-IAD 係全日第一班降落 IAD 的國際航班? 定係 IAD 國際線班次疏，航班與航班之間有足 ...

其實重點係 UA 喺 IAD 大部分國際航班都係由歐洲出發，本身做得過既時段都係得果幾粒鐘，大部分都係歐洲朝早十點十一點起飛、下晝兩三點降落華盛頓，加上 hub-and-spoke model 除非好似 DL @ ATL 或者 AA @ DFW 咁大規模，否則都一定係玩 banked hub，大部分同一個方向航班都會係相若時間抵達，方便乘客轉機，變左 UA IAD 國際航線第一波 arrival wave 都會係下晝兩三點

個 terminal 得 UA 用，反正朝早抵達國際線航班大部分都唔係 UA，C/D CBP 櫃位都唔需要全日開，想全日開就要 UA 畀錢。不過果次本來預定下晝兩點幾先到，結果點零鐘就到左，又真係幾誇張

LH 五大神獸我一定 prioritize 其他航空公司近乎無可能坐到 744/343/346。但來回都係得兩程長途，點都要三揀二，一定係魚與熊掌。但首先一定要係我出發個機場唔需要額外轉多一次機或者用自己方法 reposition 先坐到，所以乜野 EWR BOS 都自動排除，而 IAH 呢刻好似無神獸；然後就係正如原 post 提到，要把握機會順便去 IAD 隔離個 Steven Udvar-Hazy Center 參觀，加上我平時一定唔會冒險坐神獸之前果程機得一粒鐘轉機時間，所以去程一定係經 IAD 坐 744

回程計劃係點，擇日分曉

同埋不如咁講，LH 好差就絕對唔係，至少都稱得上中規中矩。但 2025 年特登坐 LH，都只會係為左坐神獸，而唔係為左服務。如果係為左服務揀航班，晨早就揀左 DL/AF combo 而唔係 LH

不過神獸睇驗係無野可以取代到

S3BL100 發表於 2025-3-8 07:45
感謝分享。無疑係有趣體驗，下次我都要搵機會親身體驗。但我可能坐一次就夠

補充返兩點：

莫非樓主當時的 BRU-IAD 係全日第一班降落 IAD 的國際航班? 定係 IAD 國際線班次疏，航班與航班之間有足夠時間，可以比 CBP 職員離開櫃位休息？

恭喜樓主搭到 747-400，2025 年仲搭到此機型，或多或少都有點幸運；但 LH 眾多神獸中，同樣有咗退役時間表的仲有 A343 同 A346，LH 東岸飛 FRA 除 IAD 外，亦有 EWR、ORD、IAH、BOS 等選擇，唔知樓主係點樣喺三款神獸中擇一？

印象中 LH 疫情前正餐係兩個葷食選擇，亦有 hot breakfast (?，文中個早餐連水果 / 乳酪等配菜都無，睇落餐飲方面都有些少 cost-cutting；我上次搭 FRA > HKG，晚餐、早餐都係餐前派熱濕紙巾，可能今程機派餐前做漏，所以餐後派返補鑊？

今時今日 LH 短途機除咗一枝水、一塊朱古力外，所有小食飲品都要附費購買，係幾失望下；上年好似有段時間做過個 trial program，指定航線會免費派其他飲品，但之後都不了了之

AV115 發表於 2025-3-7 17:50
咁樣點我名好難唔出返兩張相

感謝分享。無疑係有趣體驗，下次我都要搵機會親身體驗。但我可能坐一次就夠

補充返兩點：

1. 另一個肯定可以坐到 mobile lounge 方法，係坐 United Express 支線航線經 IAD 轉機，喺 Gates A1-A6 呢個同 rest of A/B 格格不入兼就快要拆既大堂落機，然後轉去 UA mainline 喺 Concourses C/D 出發航班，或者調轉。Mobile lougnes 會由 A1-A6 去 rest of A 果條橋中間果層直接開往 C/D，每十分鐘一班。但呢個班次真心疏，趕住轉機如果唔係碰岩就快開出，自己行遠少少坐無人駕駛列車隨時仲快。理論上我果日可以貪得意坐 mobile lounge 去 C/D 然後坐返無人駕駛列車出 main terminal 但因為首要趁有限六粒鐘去睇 Steven Udvar-Hazy Center 而無特登咁做，因為真係會用多唔少時間

2. 似乎就得非 UA 航班抵達 IAD 後乘客會坐 mobile lounge 去辦理入境手續。兩年前坐過 UA BRU-IAD 係直接停返 C/D，落機仲直接將轉機客同以華盛頓為終點乘客分兩條隊入境，入境手續就喺 C/D 下面直接做，然後上返去就係 Concourse C/D。方便程度爆燈，而且如果唔計果日早左差唔多成粒鐘降落，入境櫃位仲未開始運作，果次入境係自從我拎左美國護照後咁多次最快。不過 C/D 除左呢樣以外，硬件真係差過 A/B 好多好多

S3BL100 發表於 2025-3-1 05:35
無乜用，因為架 LH 744 停 Gate B45/47，即係向住 main terminal 一邊而唔係向 C/D 一邊，mobile lounge  ...

咁樣點我名好難唔出返兩張相


IAD名物：Mobile Lounge

好遺憾去IAD嗰日落大雨，只能夠隔住玻璃影出停機坪，所以劣攝注意。望住又暗又濕嘅機場，有少少淒慘嘅感覺 (呼應美國國內情緒？)


離遠望 Mobile lounge 嘅出入口，差不多同登機橋一樣咁高。因為佢地本來設計就係可以直接送客到 outer bay 上機，車身亦有升降功能。而家間中都仲會用佢嚟直接載客上飛機，但唔係咁易遇到


埋站後升高咗車身，可以見到下面放滿冷氣同其他機件

原本以為mobile lounge 係雙頭巴士，原來其實唔係。呢個角度係車尾。另外心水清嘅版友會發覺車身嘅編號係用美國州分簡寫嚟編。KS係 Kansas, KY係 Kentucky


內籠就係咁。好似巴士同船嘅混合體。內裝充滿七八十年代美國味道


駕駛室。基本上係半駕駛艙巴士咁。有DNR波制。By the way 引擎聲好好聽，係未環保年代嘅柴油引擎聲，而家愈來愈難聽到。


其實要搭mobile lounge 唔難，只要搭國際航班抵達IAD基本上就實要搭佢，因為機場嘅設計關係，國際入境旅客唔可以用無人駕駛列車，要搭佢直接去入境大堂辦理入境手續。不過之後會唔會轉用普通巴士就唔知喇

S3BL100 發表於 2025-3-1 05:33
如果淨係計座椅，好可能的確係。PEY 同 J 闊度唔差得幾多，主要分別係有無得躺平

但唔止 744，LH 除左 7 ...

唔奇


漢莎博物館當之無愧

yuenpo 發表於 2025-2-28 14:36
你可以坐上那個 mobile lounge 便有機會影到全架機，順手影幾張內籠相給大家看看  ...

無乜用，因為架 LH 744 停 Gate B45/47，即係向住 main terminal 一邊而唔係向 C/D 一邊，mobile lounge 好似唔會行過果頭

（召喚版友 AV115，我知佢上兩個星期喺 IAD 坐過 mobile lounge）

brianso198 發表於 2025-2-27 19:06
呢架744 PEY好似性價比仲高過J...
(未睇價錢差幾多)

如果淨係計座椅，好可能的確係。PEY 同 J 闊度唔差得幾多，主要分別係有無得躺平

但唔止 744，LH 除左 787 同少量 A350 之外，全線 PEY 同 J 都係用緊呢款座椅。LH Allegris J 搞左七年都係一鑊泡，簡直係笑話

講真，如果可以 bid 到 200 蚊美金升級 PEY，其實唔貴。不過要坐中窗口位難好多，坐返普通 Y 但旁邊無人（而今次呢程我隔離個位的確係空），坐感唔差得過 PEY

你可以坐上那個 mobile lounge 便有機會影到全架機，順手影幾張內籠相給大家看看

呢架744 PEY好似性價比仲高過J...
(未睇價錢差幾多)