[Cleveland, OH, US] 重型輕鐵與輕型重鐵 (多圖+片)

剛過去的一個星期，因為工作緣故，到過俄亥俄州的 Cleveland 一趟。雖然只是美國中西部眾多中等規模城巿之一，但 Cleveland 也有自己的一套捷運系統，甚至是全美國首個設有機場鐵路的城巿；以這個規模的城巿來說，肯定是異數。他們的鐵路系統規模不太大，但也有值得細味之處。


來到海傍，下方是 Amtrak 與貨運鐵路路軌，間中就見到長長的貨運列車經過


海傍也有一條輕鐵線 Waterfront Line，其實是 Blue Line 與 Green Line 的延伸，但有自己的名稱識別。這是 North Coast 車站


車站通往月台的樓梯


樓梯滿佈垃圾。之後發現完全沒有人影，也不見列車經過，才知道原來 Waterfront Line 僅於週末與大型活動期間行走




之後從另一個角度觀賞 North Coast 車站與月台。設計有著自己的風格，但裡面真的狀態不太好






之後來到 Lake Erie 岸邊。只見防坡堤，見不到對岸的加拿大


第二天下午坐飛機回家，回家前早上在巿區遊覽。這是 Tower City Center，一座差不多百年歷史的多用途建築，是 Cleveland 巿中心的主要地標。建築物包括寫字樓、商場、賭場與酒店，還曾經是巿際火車站，今天是 RTA（也就是 Cleveland 的公共交通局）四條鐵路線的交匯站。


Tower City Center 近入口處，前屬火車站大堂的部分。一來由於長途巿際火車式微，二來因為長途火車繞道進入 Union Terminal 比起沿 Lake Erie 海岸、使用位置隔涉車站的路線來得不直接，於是過去差不多五十年都沒有長途火車途經此處了。


前方是一個極具歷史價值，但保養略嫌欠佳，且人流疏落的死場，僅得 food court 人流較多。下面就是 RTA 幾條電車線的車站大堂






車站大堂、售票機與閘機






來到 Green Line、Blue Line 與 Waterfront Line 使用的部分，中間設一個終端式月台，兩邊月台可雙向通行。這邊人流真的相當稀少。


在 Waterfront Line 沒有行走的日子，Tower City 是 Blue Line 與 Green Line 的終點站。一架 Blue Line 列車剛進入月台，準備上客。Blue Line 與 Green Line 共用 48 架 1980 至 1981 年間建造的 Breda 輕鐵列車。雖說是輕鐵，但看上去外觀非常笨重，可能因為車身本身就高 3.45 米的緣故。








趁列車停站上客期間，趕緊拍攝內籠相，座椅有點兒像公共巴士。本來打算坐一個站感受一下，但自忖時間不足，也就放棄了


列車一端上車門，設有收費機與錢箱


列車關門，準備開出。Blue Line 平日每 30 分一班，班次非常疏落

影片：RTA Rapid Transit Blue Line 從 Tower City 開出
https://youtu.be/vd8L-ho_uYs


之後經扶手電梯重返商場，再乘坐電梯來到這個臨時月台，準備乘坐 Red Line 列車。為配合翻新工程，Red Line 西行需臨時遷往這個曾經是 Shaker Rapid 車站、已廢棄多年，但近年又多次短期使用的臨時月台








原有月台不適合重鐵列車使用，因此需要加建臨時平台，方便乘客上落列車

影片：RTA Rapid Transit Red Line 列車進入 Tower City 臨時月台
https://youtu.be/IAanwuWeJ_0




Red Line 列車內籠。Red Line 使用日本 Tokyu 兩卡列車，1984 年交付，列車完全看不到日本的影子


出站後未幾已經是露天路段，下方是 Waterfront line 路軌




過橋


坐一個站來到 W.25-Ohio City 車站。這是 Red Line 使用的 Tokyu 列車外觀，車頭編號 319 的是單頭版本車卡


而車尾的 187 是雙頭版本






W.25-Ohio City 車站月台。正如之前版友 theodore.c 介紹過，Cleveland 的 Red Line 是美國僅有兩條使用架空電纜供電的重鐵捷運之一，另一條是 Boston 的 Blue Line，但後者實際上部分路段亦是使用第三軌供電，中途轉換供電模式。




W.25-Ohio City 車站大堂


車站外觀


趕快在旁邊的 West Side Market 吃過午餐後，就回到車站，坐 Red Line 回酒店




回到 Tower City 車站


之後回酒店，退房並取回行李後，回到 Tower City 車站的臨時月台，先來的原來是來到終點清客的 Green Line 輕鐵列車


坐在雙頭車卡 187 的車廂


遠處就是機場




來到機場車站，旁邊月台的列車剛好開走，前往巿區


剛才坐的 319-187 組合，跟早上坐的是同一抽列車




Cleveland 的 Red Line 是全美國首條直達機場的鐵路線，可謂開創先河。機場站採用終端月台設計，月台也不特別寛闊。地面可以見到飛機的圖案，但圖案的方向好像不合邏輯


沿著隧道直達客運大樓




通道旁邊貼上 Cleveland RTA 的歷史照片。上面是 Tokyu 新車落地儀式的相片


還有上一代 Pullman-Standard 列車的圖片，是 Red Line 西延至機場後初代列車，行走不到二十年就給 Tokyu 列車取代了。

-----

+++


巿中心的另一主要地標 Soldiers' and Sailors' Monument，紀念 Cleveland 與其所在 Cuyahoga County 在美國南北內戰期間，為北方聯軍作戰的九千名民眾。


曾經參與聯軍戰役的 Cuyahoga County 民眾名單


紀念碑裡面最特別的，莫過於這個雕塑，紀念林肯總統正式解放黑奴






來到 Slyman's Restaurant，這間傳奇的 Jewish Deli，他們的 corned beef sandwich 真是相當出眾，份量也驚人，是 Cleveland 訪客必嘗。原來小布殊就任總統期間，還有拜登就任副總統期間，也曾經來訪過。




West Side Market 是 Cleveland 歷史最悠久的巿集，差不多二百年歷史；今天的建築 1907 年興建、1912 年竣工，也超過一百年歷史了








Cleveland 歷史多數移民來自歐洲，不難找到許多中歐與東歐的美食




被普遍評為 West Side Market 必嘗的 Bratwurst Sandwich，連酸椰菜才五美元，相當便宜

-----

Cleveland 作為一個中型城巿，竟能有自己的捷運系統，在北美來說也是異數。但輕鐵每三十分鐘一班、重鐵每十五分鐘一班，也真的比較疏落，這套捷運系統還有進一步發展改善的空間。

北美並沒有為建立一套捷運系統營運標準，於是從列車、供電到車站設計，每個城巿都有自己的一套方案，使得鐵路系統設計相當多樣化。雖然列車外觀往往使用工業風格而相當重口味，違反一般人的審美標準，但畢竟還有一些值得細味之處。

（完）

===

昔日鐵路旅程精選：
（按：部分早期文章，因相片伺服器問題，在香港地區觀看，或只能顯示縮圖。請自行於新視窗開啟圖片並按滑鼠左鍵放大圖片，或使用 VPN 並自行設定地區為香港以外觀看）

2025
[Seattle, WA, US] 西雅圖鐵路雜攝
[PL] 遊走波蘭 (6)：華沙區域交通、鐵路博物館
[PL] 遊走波蘭 (5)：華沙地鐵與電車
[PL] 遊走波蘭 (4)：Gdańsk/Gdynia - EN57 Pendolino 新舊對照
[PL] 遊走波蘭 (1)：Krakow (+ Auschwitz) 遊記

2024
[MY] 龍年亞洲行 鐵路篇 (4)：檳城登山纜車
[MY] 龍年亞洲行 鐵路篇 (3)：從吉隆坡坐火車到檳城
[MY] 龍年亞洲行 鐵路篇 (2)：吉隆坡兩日遊
[SG] 龍年亞洲行 鐵路篇 (1)：新加坡掠影
[Toronto, ON, CA] 坐 GO Train 遊 Niagara Falls 大瀑布
回鄉記 鐵路篇 (5)：蒸汽火車體驗 Epping Ongar Railway
回鄉記 鐵路篇 (4)：GWR 歷史尋源 @ Didcot Railway Centre
回鄉記 鐵路篇 (2)：LNER 新不如舊 Azuma vs InterCity 225
回鄉記 鐵路篇 (1)：倫敦周邊見聞

2023
[BE] 比利時三日遊 (2)：其他見聞
[BE] 比利時三日遊 (1)：城際交通及車站篇
[NL] 荷蘭五天遊 (2)：地鐵、電車、博物館及其他
[NL] 荷蘭五天遊 (1)：NS rolling stock 及車站篇

2022
[NM, US] 'Beep beep' NM Rail Runner Express: Santa Fe - Albuquerque
[Fort Worth, TX, US] TEXRail 讓我以為到了歐洲
[NM, US] 北美最長架空纜車 Sandia Peak Tramway
[Chicago, IL, US] The L. The Loop.
[NY, US] 58 歲 R32 地鐵榮休日 (多圖 + 片)

2021
[NY, US] 古董地鐵 @ NY Transit Museum (多圖)
[NY, US] 紐約地鐵掠影
[NY/NJ, US] (9/11 20 週年) PATH Trains + The Oculus

2020
[San Diego, CA, US] 復古、電車、重鐵、模型掠影

2019
[AT] 2019 歐洲五國之旅 終極回：維也納尋訪電車的故事
[DE] 2019 歐洲五國之旅 (8)：紐倫堡的審判
[DE] 2019 歐洲五國之旅 (7)：Stuttgart 交通迷天堂
[DE] 2019 歐洲五國之旅 (6)：海德堡美景 + Museum Speyer
[FR] 2019 歐洲五國之旅 (5)：里昂快閃遊
[IT/FR] 2019 歐洲五國之旅 (4)：坐 TGV 從米蘭到里昂
[IT] 2019 歐洲五國之旅 (3)：米蘭一日遊
[ES] 2019 歐洲五國之旅 (2)：巴塞風情畫
[ES] 2019 歐洲五國之旅 (1)：巴塞之外 + 加泰鐵路博物館

2018
[DE] 2018 歐洲之旅 鐵路終極回：Bonn 及其他 NRW 見聞
[DE] 2018 歐洲之旅 鐵路篇 (5): Leipzig 一日遊
[DE] 2018 歐洲之旅 鐵路篇 (4): 漢堡的夢幻世界 + ICE
[FR] 2018 歐洲之旅 鐵路篇 (3): 巴黎學術之旅
[FR] 2018 歐洲之旅 鐵路篇 (2): TGV 雙層車 Toulouse -> Paris
[ES] 2018 歐洲之旅 鐵路篇 (1): 馬德里風情 + 鐵路博物館
[CA, US] Amtrak Pacific Surfliner: Goleta -> Simi Valley 乘坐報告

2017
[New Orleans, LA, US] 仿古電車和百年活古董電車乘坐記
[Munich, DE] 2017 歐洲行尾站 + 交通博物館
[Salzburg, AT] Vienna /-Westbahn-\ Salzburg /-Railjet-\ Munich
[Vienna, AT] 維也納兩天遊
[Paris, FR] 巴黎半日遊

2016
[San Francisco, CA, US] 聞名遐邇的復古電車和纜車
[NM, US] 乘坐報告：NM Rail Runner Express Santa Fe -> Albuquerque
[GB] 倫敦鐵路掠影

2015
[DE] 2015 德國行 Part 3：ICE 臨尾香 + 慕尼黑走馬看花
[DE] 2015 德國行 Part 2：從柏林到 Dresden
[DE] 2015 德國行 Part 1：柏林兩日遊

2014
[NY, US] 紐約地鐵三日遊 Part 4：藝術館和世貿遺址
[NY, US] 紐約地鐵三日遊 Part 3：NY Transit Museum
[NY, US] 紐約地鐵三日遊 Part 2：橋樑上
[NY, US] 紐約地鐵三日遊 Part 1：遊走曼哈頓

2013
[Washington DC/Baltimore MD, US]Metrorail/Amtrak/Light Rail遊(多圖多水份)

2012
[Boston,MA,US]MBTA地鐵一日遊（多圖多水份）

2010
2010西雅圖之旅 鐵路篇

多謝師兄分享呢個美國嚟講咁獨特嘅鐵路網絡！小弟早幾年去過公幹，但係冇太多機會詳細探索呢個鐵路系統，莫講話觀光同試食地道料理。呢編介紹全部環節都好精彩。好彩有限時間之内都有機會影車。
始終兩款列車都就快玩完，全部都會被Siemens S200高地台輕鐵列車取代，Cleveland嘅重鐵服務嚴格嚟講都將會中止。紅綫係美國最後建成嘅「傳統重鐵地鐵綫」，美國之後建造嘅地鐵系統都係60年代嘅高速捷運，性質好唔同。師兄呢編分享都係呢個比較上短暫嘅「重鐵時代」嘅一個重要紀錄。

Cleveland嘅鐵路交通都係美國中西部人口下降嘅受害者，根本重工業衰退後，市内鐵路嘅存在價值都失去咗好多。然而，重工業衰退之後，市民嘅通勤模式都唔同咗好多，鐵路可以到達嘅地方都已經符合唔到現時真正有通勤需求嘅路綫。比較近期開通嘅BRT路綫，聽講客量唔錯，以前算係最優質嘅快速BRT路綫，但係通車後呢十幾年嚟都慢慢逃不過BRT creep。雖然小弟乘搭時每班列車嘅客量都唔錯，列車嘅班次都疏得有少少離譜。Waterfront Line當時都無縁搭，應該變返正常每日服務嘅機會都幾微下。作爲咁新嘅路綫，原本都有活化湖邊嘅市容嘅原意，咁快已經暫停運作，都幾可惜下。最有特色嘅Amtrak轉車站，輕鐵運行嘅時間都冇長途列車停靠(途經Cleveland嘅所有Amtrak列車都係凌晨時分先到達，爲人詬病)，所以輕鐵嗰邊一直都係冇月台嘅招呼站，撳鐘先會停車。
藍綫同綠綫小弟之前都分享過，係前interurban路綫，輕鐵單獨區間都係專用軌道多，運行速度都好高。以前用重型城際電車同PCC，以三四卡嘅編成運行都幾壯觀下。當然呢啲景象以現時嘅客量嚟計，要復刻都幾有難道。

theodore.c 發表於 2025-12-18 00:04
多謝師兄分享呢個美國嚟講咁獨特嘅鐵路網絡！小弟早幾年去過公幹，但係冇太多機會詳細探索呢個鐵路系統，莫 ...

咁都要多謝你先前關於 Cleveland 的分享，至少令我知道有咩要 look for 同埋你幾張情景相影得真係好靚。我因為第一日航空交通大亂，遲左四粒鐘先到（隔籬 C2 版有講），加上 conference 最尾果日下晝天氣又唔好，除左 Waterfront Line 以外全部相片都係 last day 臨上機之前幾粒鐘影，無時間去 explore 情景相拍攝位置

基本上成個中西部都受到重工業衰退、人口下降影響，Cleveland 點講都係中西部主要城巿，又有其他產業，已經好少少，成個中西部都係得返 Chicago 同 Minneapolis 叫做見得下人。但與其話係純粹人口下降，不如話係因為產業變化，好多人搬左去 suburbs，從此以後通勤模式徹底改變，within city limit 通勤根本就唔算好多。偏偏成個 rail network 同美國唔少大城巿一樣，巿中心射出去，又去得唔夠遠，適應唔到通勤模式轉變，使用者來往巿中心外圍地區坐鐵路完全唔方便。雖則如此，兩條「重型輕鐵」開到半粒鐘一班完全係令人難以置信，根本唔吸引

湖邊 Waterfront Line 其實咪又係服務幾間博物館同 stadium，由北面包圍 downtown，行又唔行完全行唔到過去，不過咁都搞到平日做唔到生意係幾可惜

同埋 Cleveland downtown 食野真心唔方便，聽聞唔少 attendees 都有微言。我基本上都只係 conference 第一日 long lunch break 行出去食 Slyman's 同臨上機前出去 West Side Market 先叫做 explore 過出面，又因為 conference 某一晚 poster reception 有供應無限量 pierogi 而無喺 West Side Market 搵呢種 Cleveland 常見歐洲美食。出面天寒地凍，中間幾日又落雪，如果唔係我酒店有 lounge access 都幾大鑊。個 conference 喺 downtown 某酒店舉行（我住對面街一間），我個 team 好似有人全程無踏出過酒店半步

我地個 team 好多人都有微言點解主辦方今年要揀喺天寒地凍 Cleveland 開 conference。但又因為呢個機會，可以親身體驗 Cleveland 呢套咁有趣鐵路系統

唔講唔知原來就快換新車，換完之後「輕型重鐵」唔再係重鐵了，統一車型後變左無咁有趣。但到時堆車外觀會吸引普通乘客多少少，又可以節省營運同維修成本，都係好事

中西部計除左 Cleveland 同 Chicago 之外近幾年仲去過 Minneapolis 同 St. Louis 坐過佢地輕鐵，佢地套系統相對無 Cleveland 咁特別但我對 Minneapolis 套系統同巿容印象真心唔錯